ന്യൂഡൽഹി: ഹനുമദ് ജയന്തി ആശംസകൾ നേർന്ന് പ്രധാനമന്ത്രി നരേന്ദ്രമോദി. സമൂഹമാദ്ധ്യമമായ എക്‌സിലൂടെയാണ് അദ്ദേഹം ആശംസാ കുറിപ്പ് പങ്കുവച്ചത്. രാജ്യത്തുടനീളമുള്ള എന്റെ കുടുംബാംഗങ്ങൾക്ക് ഹനുമദ് ജയന്തി ആശംസകൾ നേരുന്നു. പവനപുത്രന്റെ സമർപ്പണങ്ങൾ രാമഭക്തർക്ക് എക്കാലവും പ്രചോദനമായിരിക്കട്ടെ. ഭഗവാന്റെ അനുഗ്രഹം എല്ലാവരിലും ഉണ്ടാകട്ടെ. വികസിത ഭാരതിന് പുതിയ ഊർജ്ജം ലഭിക്കട്ടെ. എല്ലാവരുടെയും ജീവിതത്തിൽ ശക്തിയും ജ്ഞാനവും കൊണ്ട് നിറയട്ടെ എന്നും പ്രധാനമന്ത്രി എക്‌സിൽ കുറിച്ചു.
എല്ലാവർക്കും ഭഗവാൻ ശക്തിയും വിവേകവും ദീർഘായുസും നൽകട്ടെ എന്നാണ് ഹനുമദ് ജയന്തി ആശംസകൾ നേർന്നു കൊണ്ട് കേന്ദ്ര ആഭ്യന്തരമന്ത്രി അമിത് ഷാ സമൂഹമാദ്ധ്യമത്തിൽ പങ്കുവച്ച കുറിപ്പ്.
വായു പുത്രനായ ഹനുമാൻ എല്ലാവരിലും ശക്തിയും അറിവും വിവേകവും നിറയ്‌ക്കട്ടെ എന്ന് പ്രാർത്ഥിക്കുന്നു. എന്നാണ് ബിജെപി ദേശീയ അദ്ധ്യക്ഷൻ ജെപി നദ്ദ എക്‌സിൽ പങ്കുവച്ച കുറിപ്പ്.
