മുംബൈ: ക്രിക്കറ്റ് ദൈവം സാക്ഷാൽ സച്ചിൻ ടെണ്ടുൽക്കറിന്റെ പിറന്നാൾ ദിനത്തിൽ ആശംസകളുമായിയുവരാജ് സിംഗ്. ജീവിതത്തിൽ ഉയർച്ചകൾ ലക്ഷ്യം വെയ്ക്കാൻ ഞാൻ പഠിച്ചതിന്റെ കാരണം നിങ്ങളാണ് (ചിലപ്പോൾ മൈതാനത്തും) ബൗളർമാരെ തവിടുപൊടിയാക്കുന്നതിൽ ആയാലും ജീവിത ലക്ഷ്യങ്ങളുടെ കാര്യത്തിൽ ആയാലും ‘ഹാപ്പി ബർത്ഡേ പാജി! യുവരാജ് കുറിച്ചു.
സ്നേഹവും നല്ല ആരോഗ്യവും സന്തോഷവും നേർന്നുകൊണ്ടാണ് യുവി കുറിപ്പ് അവസാനിപ്പിക്കുന്നത്. സച്ചിനുമൊത്തുളള നിമിഷങ്ങൾ കോർത്തിണക്കി ഒരു വീഡിയോയും യുവി ഇതിനൊപ്പം പങ്കുവെച്ചിട്ടുണ്ട്.
2011 ലെ ലോകകപ്പിൽ ടീം ഇന്ത്യയെ വിജയത്തിലെത്തിക്കുന്നതിൽ സച്ചിനും യുവരാജും നിർണായക പങ്കുവഹിച്ചിരുന്നു. 362 റൺസും 15 വിക്കറ്റും നേടിയ യുവരാജ് മികച്ച ഓൾറൗണ്ട് പ്രകടനത്തിന് പ്ലെയർ ഓഫ് ദ ടൂർണമെന്റിന് അർഹനായപ്പോൾസച്ചിൻ ടെണ്ടുൽക്കർ 53.55 ശരാശരിയിൽ രണ്ട് സെഞ്ചുറികളും അർധസെഞ്ച്വറികളും ഉൾപ്പെടെ ഒമ്പത് മത്സരങ്ങളിൽ482 റൺസുമായി ഇന്ത്യക്ക് വേണ്ടി ഏറ്റവും കൂടുതൽ റൺസ് നേടിയ താരമായിരുന്നു.
