കാൻബറ : അപൂർവയിനം തിമിംഗലങ്ങൾ കരയിലേക്ക് ഒഴുകിക്കയറിയത് കഴിഞ്ഞ ദിവസം ഓസ്‌ട്രേലിയൻ തീരത്ത് കനത്ത ആശങ്ക സൃഷ്ടിച്ചു. പൊതുവെ കൂട്ടമായി കാണപ്പെടുന്ന ഭീമൻ പൈലറ്റ് തിമിംഗലങ്ങളാണ് കൂട്ടമായി കരയിലേക്ക് ഒഴുകിക്കയറിയത്. പ്രത്യേകിച്ച് കാലാവസ്ഥാ വ്യതിയാനമൊന്നും ഇല്ലാതെ സംഭവിച്ച ഈ പ്രതിഭാസം ഏറെ നേരം വന്യജീവി പ്രേമികളെ ആശങ്കയിലാഴ്‌ത്തി.
ഒരു തിമിംഗലത്തെ കൂട്ടത്തിൽ മറ്റ് തിമിംഗലങ്ങൾ പിന്തുടരുന്ന രീതിയിൽ കൂട്ടമായി നീന്തുന്ന സ്വഭാവമുള്ളവയാണ് പൈലറ്റ് തിമിംഗലങ്ങൾ. ഇവ വംശനാശഭീഷണി നേരിടുന്ന തിമിംഗലഇനങ്ങളിൽ ഒന്നായി കണക്കാക്കുന്നു.
ഓസ്‌ട്രേലിയയിലെ പടിഞ്ഞാറൻ പ്രവിശ്യയിലെ തീരദേശ നഗരമായ ഡൻസ്‌ബറാക്കിൽ ഇന്നലെയാണ് പൈലറ്റ് തിമിംഗലങ്ങൾ കരയ്‌ക്കടിഞ്ഞത്.
ഈ വിവരം ഓസ്‌ട്രേലിയയിലെ ജൈവവൈവിധ്യ സംരക്ഷണ വകുപ്പിന്റെ അധികാരികളെ അറിയിച്ചു. മാത്രമല്ല, പ്രാദേശിക മാധ്യമങ്ങളും വാർത്ത സംപ്രേക്ഷണം ചെയ്തതോടെ വന്യജീവി പ്രേമികളും സമുദ്ര ജീവശാസ്ത്രജ്ഞരും സംഭവസ്ഥലത്തേക്ക് കുതിച്ചു.
160 പൈലറ്റ് തിമിംഗലങ്ങൾ തീരത്ത് കുടുങ്ങിയതായി പ്രാഥമിക അന്വേഷണത്തിൽ കണ്ടെത്തി. പല തിമിംഗലങ്ങളും അവശനിലയിലാണെന്ന് കണ്ടെത്തി. ഇതേത്തുടര്ന്ന് വനപാലകര്ക്കൊപ്പം പൊതുജനങ്ങളും തിമിംഗലങ്ങളെ ജീവനോടെ രക്ഷിക്കാനുള്ള ശ്രമത്തിലായി.
മണിക്കൂറുകൾ നീണ്ട ശ്രമത്തിനൊടുവിൽ നൂറിലധികം തിമിംഗലങ്ങളെ ബോട്ടിൽ ആഴക്കടലിലേക്ക് തിരികെയെത്തിച്ചു. ചത്തനിലയിൽ കരയിൽ കണ്ടെത്തിയ 26ലധികം തിമിംഗലങ്ങളെ മണലിൽ കുഴിച്ചിട്ടു.
