ആഫ്രിക്കൻ സ്വദേശിയും സമൂഹമാധ്യമ താരവുമായ കിലി പോൾ എന്നും ഇന്ത്യയോടുള്ള സ്നേഹം പ്രകടിപ്പിക്കാറുണ്ട് . മലയാളം അടക്കം വിവിധ ഭാഷകളിലെ ഗാനങ്ങളും പരമ്പരാഗത ഇന്ത്യൻ വസ്ത്രങ്ങളും ധരിച്ച് പലതവണ സോഷ്യൽ മീഡിയയ്‌ക്ക് മുന്നിൽ എത്തിയിട്ടുണ്ട് ഇരുവരും. സംഗീതത്തിന് ഭാഷയുടെ അതിർവരമ്പുകളെ മറികടക്കാൻ കഴിയുമെന്ന് തെളിയിച്ചവരാണ് ഈ ടാൻസാനിയൻ സഹോദരങ്ങൾ .
ഇപ്പോഴിതാ ആരാധകരുടെ സ്വന്തം കിലി പോൾ ഇന്ത്യയിൽ എത്തിയിരിക്കുകയാണ്. വെള്ളിയാഴ്ച രാവിലെ അഹമ്മദാബാദ് വിമാനത്താവളത്തിലാണ് കിലി പോൾ എത്തിയത് . ഇതിന്റെ ദൃശ്യങ്ങളും കിലി പങ്ക് വച്ചിട്ടുണ്ട്.കിളി പോൾ തന്റെ ടീമിനൊപ്പം വിമാനത്താവളത്തിലെത്തുന്നതും , മാലകളോടെ ഊഷ്മളമായ സ്വീകരിക്കുന്നതും കാണാം.
ഗുജറാത്തിൽ നടക്കുന്ന വിവാഹത്തിൽ പങ്കെടുക്കാനായാണ് കിലി പോൾ ഇന്ത്യയിലെത്തിയത് . . വരനും സംഘത്തിനുമൊപ്പം വിവാഹ വേദിയിൽ നിന്നുള്ള ചിത്രവും അദ്ദേഹം പങ്കുവച്ചു. ഒപ്പം “ഗുജറാത്ത് ഇതാ ഞാൻ. എന്നെ സ്വാഗതം ചെയ്തതിന് നന്ദി, ”എന്നും അദ്ദേഹം കുറിച്ചു.ഈ വർഷം ജനുവരിയിൽ അയോധ്യ സന്ദർശിക്കാനുള്ള ആഗ്രഹവും അദ്ദേഹം പ്രകടിപ്പിച്ചിരുന്നു.
