ഡൽഹി: നരേന്ദ്രമോദി സർക്കാരിന്റെ ക്ഷേമ പദ്ധതികൾക്ക് പിന്തുണ പ്രഖ്യാപിച്ച് ഡൽഹിയിൽ 800 ഓളം സിഖ് വിശ്വാസികൾ ബിജെപിയിലേക്ക്. സിഖ് ഗുരുദ്വാര മാനേജ്മെൻ്റ് കമ്മിറ്റി അംഗങ്ങൾ ഉൾപ്പെടെയാണ് ബിജെപിയിലേക്ക് എത്തിയത്. സിഖ് സമുദായത്തിനായി പ്രധാനമന്ത്രി കൈക്കൊണ്ട നടപടികൾ ഉൾപ്പെടെ പരിഗണിച്ചാണ് ഈ മാറ്റമെന്ന് ഇവർ പറഞ്ഞു.
പാർട്ടി ദേശീയ ജനറൽ സെക്രട്ടറി തരുൺ ചുഗ്, ബിജെപി നേതാവ് മഞ്ജീന്ദർ സിംഗ് സിർസ, ഡൽഹി ബിജെപി അധ്യക്ഷൻ വീരേന്ദ്ര സച്ച്ദേവ എന്നിവരുടെ സാന്നിദ്ധ്യത്തിലാണ് ഇവർ ബിജെപിയിലേക്ക് ചേർന്നത്. പുതിയ പാർട്ടി അംഗങ്ങളെ സ്വാഗതം ചെയ്ത വീരേന്ദ്ര സച്ച്ദേവ വരാനിരിക്കുന്ന തിരഞ്ഞെടുപ്പിൽ ഡൽഹിയിലെ ഏഴ് മണ്ഡലങ്ങളും ഉറപ്പാക്കുകയാണ് ബിജെപിയുടെ ലക്ഷ്യമെന്ന് പറഞ്ഞു.
പ്രതിസന്ധി ഘട്ടങ്ങളിൽ സിഖ്സമൂഹം നൽകിയ അചഞ്ചലമായ പിന്തുണയ്ക്ക് വീരേന്ദ്ര സച്ച്ദേവ നന്ദി അറിയിക്കുകയും ചെയ്തു. ആറാം ഘട്ടത്തിലാണ് ( മെയ് 25 ) ഡൽഹിയിലെ ഏഴ് ലോക്സഭാ സീറ്റുകളിലേക്കും വോട്ടെടുപ്പ് നടക്കുന്നത്.