കറുപ്പിൽ നിന്ന് വെളുപ്പിലേക്ക്; വളർത്തുനായക്ക് ബാധിച്ച രോഗമിത്

വെള്ളപ്പാണ്ട് (vitiligo) പൊതുവെ മനുഷ്യരിൽ കണ്ടുവരുന്ന രോ​ഗമാണ്. എന്നാൽ അപൂർവമായി ചില മൃഗങ്ങളിലും ഇവ കാണാറുണ്ട്. വിറ്റിലി​ഗോ അഥവാ വെള്ളപ്പാണ്ട് ബാധിച്ച ഒരു വളർത്തുനായയാണ് ഇപ്പോൾ സോഷ്യൽ മീഡിയയിൽ വൈറലാവുന്നത്. 4 വയസുള്ള ബസ്റ്ററാണ് രോ​ഗം പിടിപെട്ടതിന് പിന്നാലെ വൈറലായത്.

My boy Buster (4yo) has completely changed from black to white over the course of the last 2.5 years.
byu/TallyMatty inaww

ഒക്ലഹോമയാണ് ബസ്റ്ററിന്റെ സ്വദേശം. പൂർണമായും കറുത്ത നിറമുള്ള നായ ആയിരുന്നു ബസ്റ്റർ. എന്നാൽ രോ​ഗം ബാധിച്ചതോടെ പൂർണമായും വെള്ളനിറമായി മാറി. രണ്ടര വയസുള്ളപ്പോഴാണ് നായക്ക് രോ​ഗം പിടിപെടുന്നത്. അന്നുമുതൽ പതിയെ പതിയെ നിറം മാറി തുടങ്ങി. ഒടുവിൽ പൂ‍‍ർണമായും വെള്ളയായി തീർന്നു. രോ​ഗം പിടിപെട്ടത് മുതലുള്ള ബസ്റ്ററിന്റെ വിവിധ ചിത്രങ്ങളും നായയുടെ ഉടമ സോഷ്യൽ മീഡിയയിൽ പങ്കുവച്ചിട്ടുണ്ട്.

സാധാരണയായി മനുഷ്യരിൽ കണ്ടുവരുന്ന വെള്ളപ്പാണ്ട് ത്വക്കിന്റെ ചില ഭാ​ഗങ്ങളിൽ നിറം നഷ്ടപ്പെടുന്ന അവസ്ഥയാണ്. നിറം നൽകുന്ന കോശങ്ങൾ നഷ്ടപ്പെടുമ്പോഴോ നശിക്കുമ്പോഴോ ഇത്തരത്തിൽ സംഭവിക്കാം. അമേരിക്കൻ സം​ഗീതജ്ഞനായിരുന്ന മൈക്കിൾ ജാക്സണ് വെള്ളപ്പാണ്ട് സ്ഥിരീകരിച്ചിരുന്നു. അദ്ദേഹത്തിനോടുള്ള ബഹുമാനാർത്ഥം ജാക്സണിന്റെ ഓർമദിവസമായ ജൂൺ 25ന് വേൾഡ് വിറ്റിലി​ഗോ ദിനമായി ആചരിക്കുന്നു.