ലക്നൗ സൂപ്പർ ജയന്റ്സിന്റെ ഈ സീസണിലെ സൂപ്പർ താരം മായങ്ക് യാദവിന് സീസണിലെ ശേഷിക്കുന്ന നഷ്ടമാകുമെന്ന് റിപ്പോർട്ട്. മുംബൈ ഇന്ത്യൻസിനെതിരായ മത്സരത്തിൽ വയറ്റിലെ മസിലുകൾക്കേറ്റ പരിക്കാണ് കാരണം. ഒരുമാസത്തിനിടെ രണ്ടാംതവണയാണ് താരത്തിന് പരിക്കേറ്റത്. ഉമ്രാൻ മാലിക്, വിദ്വത് കവേരപ്പ, വൈശാഖ് വിജയകുമാർ, യഷ് ദയാൽ ആകാശ് ദീപ് എന്നിവർക്കൊപ്പം പേസ് ബൗളർമാരുടെ കരാർ ലഭിക്കാനിരിക്കെയാണ് പരിക്ക് അലട്ടിയത്. ദേശീയ ക്രിക്കറ്റ് അക്കാദമിക്ക് കീഴിലെ ഡോക്ടർമാരുടെ നിരീക്ഷണത്തിലായിരിക്കും താരം.
മായങ്കിന് ഗ്രേഡ് 1 പരിക്കാണുള്ളത്. ലക്നൗ പ്ലേ ഓഫിലേക്ക് യോഗ്യത നേടിയാൽ താരം ഒരുപക്ഷേ നോക്കൗട്ടിൽ കളിച്ചേക്കും. പക്ഷേ ഗ്രൂപ്പ്ഘട്ടത്തിലെ മത്സരങ്ങൾ നഷ്ടമായേക്കും. ഉടൻ തന്നെ മായങ്കിന് ബിസിസിഐയുടെ പേസ് ബൗളർ കോൺട്രാക്ട് ലഭിക്കും. പിന്നീടുള്ള അദ്ദേഹത്തിന്റെ വളർച്ച ബിസിസിഐ നിരീക്ഷിക്കുമെന്നും സെലക്ഷൻ കമ്മിറ്റിയും ടീം മാനേജ്മെന്റും അദ്ദേഹം ഫിറ്റ്നസ് വീണ്ടെടുക്കാനാണ് ആഗ്രഹിക്കുന്നതെന്നും ബിസിസിഐ വൃത്തങ്ങൾ അറിയിച്ചു.
മുബൈ ഇന്ത്യൻസിനെതിരായ മത്സരത്തിൽ നാല് ഓവർ പൂർത്തിയാക്കാൻ മായങ്കിനെ കഴിഞ്ഞിരുന്നില്ല. മൂന്നോവറിന് ശേഷം താരത്തെ ടീം പിൻവലിക്കുകയായിരുന്നു. മായങ്കിന്റെ കാര്യത്തിൽ റി