കങ്കുവയിലൂടെ ആരാധകരെ ത്രസിപ്പിക്കുന്ന രൂപത്തിലും ഭാവത്തിലും തെന്നിന്ത്യൻ സൂപ്പർ സ്റ്റാർ സൂര്യ എത്തുന്നതിനായുള്ള കാത്തിരിപ്പിലാണ് ആരാധകർ. കങ്കുവയുടെ ഓരോ വിശേഷങ്ങളും വളരെ ആവേശത്തോടെയാണ് പ്രേക്ഷകർ ഏറ്റെടുക്കുന്നത്. അടുത്തിടെ പുറത്തിറങ്ങിയ ടീസറിലെ ഓരോ ഭാഗങ്ങളും നമ്മെ ഭയപ്പെടുത്തുന്നതായിരുന്നു. സിനിമ പുറത്തിറങ്ങുന്നതോടെ ഗംഭീര ദൃശ്യാവിഷ്‌കാരമായിരിക്കും ചിത്രം സമ്മാനിക്കുകയെന്നത് സംശയമില്ലാത്ത കാര്യമാണെന്ന് ഊട്ടിയുറപ്പിച്ചിരിക്കുകയാണ് നടിയും സൂര്യയുടെ ജീവിത പങ്കാളിയുമായ ജ്യോതിക.
കങ്കുവയ്‌ക്കായി നൂറ് ശതമാനമല്ല 200 ശതമാനമാണ് സൂര്യ പരിശ്രമിച്ചതെന്നും അതിനുള്ള ഫലം പ്രേക്ഷകർക്ക് സിനിമയിൽ കാണാൻ സാധിക്കുമെന്നും ജ്യോതിക പറയുന്നു. ചിത്രത്തിന്റെ ചെറിയൊരു ഭാഗം താൻ കണ്ടിരുന്നു. പ്രേക്ഷകർക്ക് മികച്ച അനുഭവമായിരിക്കും കങ്കുവ നൽകുകയെന്നും ചിത്രത്തെ പ്രശംസിച്ച് താരം പറഞ്ഞു. ”ഏതൊരു കാര്യവും ആത്മാർത്ഥതയോടെ ചെയ്യാൻ ആഗ്രഹിക്കുന്ന വ്യക്തിയാണ് സൂര്യ. സിനിമയുടെ കാര്യത്തിലും, കുട്ടികളുടെയും കുടുംബത്തിന്റെയും കാര്യത്തിലും അങ്ങനെ തന്നെ. ഏറ്റെടുക്കുന്ന കാര്യങ്ങൾ നൂറ് അല്ല ഇരുന്നൂറ് ശതമാനം ആത്മാർത്ഥതയോടെ ചെയ്യുന്ന വ്യക്തിണ് അദ്ദേഹം.”- ജ്യോതിക കൂട്ടിച്ചേർത്തു.
സൂര്യയുടെ കരിയറിലെ തന്നെ ഗംഭീര ചിത്രമാണ് കങ്കുവ. ശിവയുടെ സംവിധാനത്തിൽ പുറത്തിറങ്ങുന്ന സിനിമയിൽ സൂര്യയ്‌ക്ക് പുറമെ ബോളിവുഡ് താരം ദിഷ പഠാണിയും എത്തുന്നു. ജോബി ഡിയോളാണ് വില്ലനായി എത്തുന്നത്. പീരിയോഡിക് 3ഡി ചിത്രമായ കങ്കുവ 38 ഭാഷകളിലായാണ് പുറത്തിറങ്ങുന്നത്.
