ഭാര്യയുടെ സ്നേഹപൂർവ്വമായ പരിചരണം ഫലം കണ്ടു, 10 വർഷം നീണ്ട അബോധവസ്ഥയിൽ നിന്ന് ഭർത്താവിന് മോചനം. ചൈനയിലെ അൻഹുയി പ്രവിശ്യയിൽ നിന്നാണ് അതിജീവനത്തിന്റെ വാർത്ത പുറത്ത് വന്നത്. 2014-ലാണ് സൺ ഹോങ്ക്സിയയുട ഭർത്താവ് ഹൃദയാഘാത്തെ തുടർന്ന് കോമയിലായത്. ഒരു ദശാബ്ദം നീണ്ട സൺ ഹോങ്ക്സിയുടെ സ്നേഹവും കരുതലും ഭർത്താവിനെ രോഗമുക്തനാകാൻ സഹായിച്ചതായി ദവൻ ന്യൂസ് റിപ്പോർട്ട് ചെയ്തു.
സമൂഹ മാദ്ധ്യമങ്ങളിൽ പ്രചരിച്ച ദൃശ്യങ്ങളിൽ, കിടക്കയിൽ ഉണർന്നിരിക്കുന്ന ഭർത്താവിനൊപ്പം സൺ ഇരിക്കുന്നത് കാണാം. പത്ത് വർഷവും ഫുഡ് പൈപ്പിന്റെയും യൂറിൻ ട്രൂബിന്റെയും സഹായത്തോടയായിരുന്നു യുവാവിന്റെ ജീവിതം.
തന്റെ രണ്ട് കുട്ടികളാണ് കരുത്തോടെ മുന്നോട്ട് പോകാൻ പ്രചോദനമായതെന്ന് യുവതി പറഞ്ഞു. അവർക്ക് ഒരു നല്ല മാതൃകയാകാൻ ആഗ്രഹിച്ചു, കഴിഞ്ഞ പത്ത് വർഷത്തെ തന്റെ ഓരോ നിമിഷവും ഭർത്താവിനെ കേന്ദ്രീകരിച്ചായിരുന്നുവെന്നു, ഭാര്യ പറഞ്ഞു.
സണ്ണിന്റെ ത്യാഗത്തെ പ്രകീർത്തിച്ച് ഭർതൃപിതാവ് രംഗത്ത് വന്നു.
സ്ഥാനം കൊണ്ട് അവൾ എന്റെ മരുമകളാണ്, പക്ഷേ യഥാർത്ഥത്തിൽ അവൾ എനിക്ക് മകൾ തന്നെയാണ്. ആരേയും അവളുമായി താരതമ്യപ്പെടുത്താനാവില്ല, ”84-കാരനായ പിതാവ് പറഞ്ഞു.
വീഡിയോ വ്യാപകമായി പ്രചരിച്ചതിന് പിന്നാലെ നിരവധി പേരാണ് പ്രതികരണവുമായി രംഗത്ത് വന്നത്.. “ഇതാണ് യഥാർത്ഥ പ്രണയം,” ഇതിനെ മഹത്തായ സ്നേഹം എന്ന് വിശേഷിപ്പിക്കാം, എന്നിങ്ങനെ പോകുന്നു കമന്റുകൾ.
