ഇന്ത്യയിലെ ആദ്യത്തെ എഐ ചിത്രത്തിന്റെ ട്രെയിലറും പാട്ടും റിലീസ് ചെയ്തു. ഇ എം അഷ്‌റഫ് സംവിധാനം ചെയ്ത മോണിക്ക ഒരു എ ഐ സ്റ്റോറിയുടെ ട്രെയ്ലറും പാട്ടുകളുമാണ് പുറത്തിറങ്ങിയത്. ചിത്രത്തിൽ സോഷ്യൽ മീഡിയ താരം അപർണ മൾബറി, ഗോപിനാഥ് മുതുകാട്, മാളികപ്പുറം ഫെയിം ശ്രീപത് എന്നിവരാണ് പ്രധാനവേഷത്തിലെത്തുന്നത്. മോണിക്ക ഒരു എ ഐ സ്റ്റോറിക്ക് ഇന്ത്യയിലെ ആദ്യത്തെ എഐ സിനിമ എന്ന നിലയിലെ അംഗീകാരം ലഭിച്ചിരുന്നു.
സിനിമ മേഖലയിൽ നിന്നുള്ള പ്രമുഖർ പങ്കെടുത്ത ചടങ്ങിൽ നിര്‍മാതാവ് സാബു ചെറിയാനാണ് ട്രെയിലർ റിലീസ് ചെയ്തത്. ചിത്രത്തിന്റെ പ്രമോ സോംഗ് ഗോപിനാഥ് മുതുകാട് റിലീസ് ചെയ്തു. സിനിമയുടെ അവസാനത്തെ ലുക്ക് പോസ്റ്റർ സംവിധായകന്‍ വിഷ്ണു ശശി ശങ്കര്‍ നിര്‍വഹിച്ചു. സിനിമയുടെ റിലീസ് തീയതിയുടെ പ്രഖ്യാപനം തിരക്കഥാകൃത്ത് അഭിലാഷ് പിള്ളയാണ് നിർവ്വഹിച്ചത്.
മാളികപ്പുറം ഫെയിം ശ്രീപത്, സിനി എബ്രഹാം,മണികണ്ഠന്‍, കണ്ണൂര്‍ ശ്രീലത, മന്‍സൂര്‍ പള്ളൂര്‍, ആല്‍ബര്‍ട്ട് അലക്‌സ് ,അനില്‍ ബേബി, അജയന്‍ കല്ലായ്,ശുഭ കാഞ്ഞങ്ങാട്, ആന്മിര ദേവ് , ഹാതിം,, ആനന്ദ ജ്യോതി, പ്രസന്നന്‍ പിള്ള, പ്രീതി കീക്കന്‍, ഷിജിത്ത് മണവാളന്‍,പി കെ അബ്ദുള്ള , ഹരി കാഞ്ഞങ്ങാട്, വിഞ്ചു വിശ്വനാഥ് എന്നിവരാണ് ഈ എഐ ചിത്രത്തിൽ അണിനിരക്കുന്നത്.
