ബെംഗളൂരുവിൽ നടന്ന റേവ് പാർട്ടിയിൽ പിടിയിലായ നടി രാസ ലഹരിക്ക് അടിമയെന്ന് പൊലീസ്. ഹേമ എന്ന നടിയടക്കം 86 പേരാണ് പിടിയിലായത്. ഇവർ ലഹരി ഉപയോഗിച്ചിരുന്നതായി സ്ഥിരീകരിച്ചെന്ന് ബെംഗളൂരു പൊലീസ് വ്യക്തമാക്കി. സിറ്റിയിലെ ഫാം ഹൗസിലാരുന്നു ലഹരി പാർട്ടി. 59 പുരുഷമ്മാരുടെയും 27 സ്ത്രീകളുടെയും രക്തമാണ് പരിശോധിച്ചത്.
103 പേരുടെ സാമ്പിളുകളാണ് പരിശോധനയ്ക്ക് എടുത്തത്. ഇലക്ട്രോണിക് സിറ്റിക്ക് സമീപത്തു നടന്ന ലഹരി പാർട്ടി ക്രൈം ബ്രാഞ്ച് സംഘമാണ് റെയിഡ് ചെയ്യുന്നത്. 17 എംഡിഎംഎ ഗുളികകളും കൊക്കൈനും ഇവരിൽ നിന്ന് കണ്ടെടുത്തിരുന്നു. മറ്റൊരു തെലുങ്ക് നടി ആഷി റോയിയും പാർട്ടിയിൽ പങ്കെടുത്തു.
എന്നാൽ ഇവർക്ക് ഇത് ലഹരി പാർട്ടിയാണെന്നുള്ള കാര്യം അറിവില്ലായിരുന്നുവെന്ന് പാെലീസ് പറഞ്ഞു. മേയ് 20ന് നടത്തിയ പാർട്ടി ഹൈദരാബാദ് സ്വദേശി വസു ആണ് സംഘടിപ്പിച്ചത്. പൊലീസ് പിടികൂടിയതിന് പിന്നാലെ തന്റെ ഐഡൻ്റിറ്റി വെളിപ്പെടുത്തതരുതെന്ന് പറഞ്ഞ് ഇവർ പൊട്ടിക്കരഞ്ഞിരുന്നു.