എറണാകുളം: കൊച്ചി നഗരത്തിലെ ഡ്രെയിനേജ് സംവിധാനങ്ങൾക്കായി ചെലവഴിച്ച തുക പരസ്യപ്പെടുത്തണമെന്ന് ആവശ്യപ്പെട്ട് ദേശീയ മനുഷ്യാവകാശ കമ്മീഷനിൽ പരാതി. വിവരാവകാശ പ്രവർത്തകൻ കെ. ഗോവിന്ദൻ നമ്പൂതിരിയാണ് പരാതി നൽകിയത്.
വെള്ളക്കെട്ട് കാരണം കൊച്ചിയിൽ ജനജീവിതം ദുസ്സഹമാണ്. ഇതിന് പിന്നാലെയാണ് ഗോവിന്ദൻ നമ്പൂതിരി കമ്മീഷന്റെ ഇടപെടൽ ആവശ്യപ്പെട്ടത്. കുറ്റക്കാരായ ഉദ്യോഗസ്ഥരിൽ നിന്ന് നഷ്ടപരിഹാരമെന്ന ആവശ്യവും അദ്ദേഹം പരാതിയിൽ ഉന്നയിക്കുന്നുണ്ട്. കൊച്ചിയുടെ അഭിമാനമായ ഇൻഫോപാർക്ക് അടക്കം വെള്ളത്തിൽ മുങ്ങിയതിന് പിന്നാലെ സംഭവത്തിൽ ഹൈക്കോടതി ഇടപെട്ടിരുന്നു.