ബാലതാരം ദേവനന്ദക്കെതിരെയുള്ള സൈബർ ആക്രമണത്തിൽ പ്രതികരണവുമായി തിരക്കഥാകൃത്ത് അഭിലാഷ് പിള്ള. ‘ആരെയും എന്തും പറയാനുള്ള സ്‌ഥലമാണ് സോഷ്യൽ മീഡിയ എന്ന് കരുതി ജീവിക്കുന്ന സുഹൃത്തുക്കളോട് ഒന്നേ പറയാനുള്ളൂ, അതൊരു 10 വയസ്സുകാരി കുട്ടിയാണ് അതിനെയെങ്കിലും വെറുതെ വിടു’. എന്നായിരുന്നു അഭിലാഷ്പിള്ള കുറിച്ചത്.
താരത്തിന്റെ പോസ്റ്റിന് കമന്റുമായി നിരവധിപേരാണ് രംഗത്ത് എത്തിയിരിക്കുന്നത്. ഇന്നത്തെ കുട്ടികൾ നല്ല അറിവും, തിരിച്ചറിവും ഉള്ളവരാണ്. അറിവും, വിദ്യാഭ്യാസവും ഉണ്ടായിട്ട് കാര്യമില്ല. തിരിച്ചറിവ് വേണം ഇന്നത്തെ സമൂഹത്തിൽ ജീവിക്കുന്ന ഭൂരിപക്ഷം പേർക്കും അതില്ലാതെ പോയി…. ഇതൊന്നും കേട്ടു മോൾ വിഷമിക്കരുത്. എനിക്ക് ആ അഭിമുഖം കണ്ടപ്പോൾ ഒത്തിരി സന്തോഷം ആയി… ഇനിയുള്ള മക്കൾ ഇതുപോലെ വളരണം. എന്നിങ്ങനെ നിരവധി കമന്റുകളാണ് അഭിലാഷ്പിള്ളയുടെ പോസ്റ്റിന് വരുന്നത്.
അഭിലാഷ് പിള്ളയുടെ ചിത്രമായ മാളികപ്പുറത്തിലൂടെ ശ്രദ്ധയാകർഷിച്ച ബാലതാരമാണ് ദേവനന്ദ. താരത്തിന്റെ പുതിയ ചിത്രമായ ’ഗു’ വിൻ‌റെ പ്രമോഷനുമായി ബന്ധപ്പെട്ട് നടന്ന അഭിമുഖത്തിന്റെ ഒരു ഭാഗം മാത്രം കട്ട് ചെയ്‍ത് പ്രചരിപ്പിച്ചാണ് കുട്ടിയെ സോഷ്യൽ മീഡിയയിൽ അപകീർത്തിപ്പെടുത്താൻ നീക്കം നടത്തുന്നത്. സമൂഹമാദ്ധ്യമങ്ങളിലെ ഒരു വിഭാഗത്തിന്റെ ഇത്തരം പ്രവൃത്തികൾക്കെതിരെ ദേവനന്ദയുടെ പിതാവ് പൊലീസിൽ പരാതിയും നൽകിയിട്ടുണ്ട്.
