മഴ ആയാൽ ഇഴജന്തുക്കൾ തലപ്പൊക്കി തുടങ്ങുന്നത് പതിവ് കാഴ്ചയാണ്. ഉറുമ്പ്, മണ്ണിര, തേരട്ട, ചിതൽ, ഒച്ച് തുടങ്ങിയവയെ തുരത്തിയോടിക്കാനായി ചെവലില്ലാതെ വീട്ടിൽ തന്നെ ഒരു മാർഗമുണ്ട്. അതേ, ചെറിയ വിനാഗിരി പ്രയോഗം..
ഒരു പാത്രത്തിൽ സോപ്പ് പൊടിയോ ലിക്വിഡോ എടുക്കുക. ഇതിലേക്ക് ഒരോ ഗ്ലാസ് വെള്ളവും വിനാഗിരിയും ചേർക്കുക. വെള്ളം എത്ര എടുക്കുന്നുവോ അതേ അളവിൽ തന്നെ ആയിരിക്കണം വിനാഗിരിയും ചേർക്കേണ്ടത്. അതിലേക്ക് 4 സ്പൂൺ ഉപ്പും ചേർക്കുക. ഉപ്പും സോപ്പ്പൊടിയും നന്നായി അലിയുന്നത് വരെ മിക്സ് ചെയ്യുക. ഈ മിശ്രിതം സ്പ്രേ ബോട്ടിലാക്കി ഉപയോഗിക്കാവുന്നതാണ്. ആഴ്ചയിൽ ഒരിക്കൽ ഇത് തളിച്ചാൽ ഇഴജന്തുക്കളെ തുരത്താം.
ഒച്ചിനെ തുരത്താൻ ഉപ്പുവെള്ളം മാത്രം ഉപയോഗിക്കാവുന്നതാണ്. ചിതലാണ് ശല്യമുണ്ടാക്കുന്നതെങ്കിൽ മണ്ണെണ്ണ സ്പ്രേ ചെയ്യാവുന്നതാണ്.
