തിരുവനന്തപുരം: ലോക്സഭ തെരഞ്ഞെടുപ്പിൽ മിന്നും ജയം നേടിയ സുരേഷ് ഗോപിയെ ഹെലികോപ്റ്ററിൽ തൃശൂരിലെത്തിക്കുമെന്ന് സൂചന. വിജയാഘോഷത്തിൽ പങ്കെടുക്കാനാണ് ഇത്തരം ഒരു നീക്കം. കവടിയാറിൽ നിന്ന് എയർലിഫ്റ്റ് ചെയ്ത് തൃശൂർ ഗ്രൗണ്ടിലെത്തിക്കാനാണ് തീരുമാനം.പറക്കലിനുള്ള അനുവാദത്തിന് ശ്രമിക്കുന്നുണ്ടെന്നാണ് വിവരം.
വലിയൊരു ആഘോഷത്തിൽ സുരേഷ് ഗോപിയെ തൃശൂരിൽ എത്തിക്കാനാണ് തീരുമാനം. അതിന്റെ ഭാഗമായാണ് ഹെലികോപ്റ്റർ ഒരുക്കുന്നത്. തൃശൂരിലേക്ക് പോകാനുള്ള ഒരുക്കത്തിലാണെന്നും അവിടെ എത്തിയശേഷം പ്രതികരിക്കാമെന്നുമാണ് താരം മാദ്ധ്യമങ്ങളോട് വ്യക്തമാക്കിയത്. അതേസമയം സുരേഷ് ഗോപിയുടെ ലീഡ് 73,120 കടന്നു.
നേടിയ വോട്ടുകൾ നാലു ലക്ഷം കടന്നു. ത്രികോണ പോരാട്ടമെന്ന് വിലയിരുത്തിയിരുന്ന തൃശൂരിൽ കണ്ടത് സുരേഷ് ഗോപിയുടെ അശ്വമേധമായിരുന്നു. ഇരു മുന്നണി സ്ഥാനാർത്ഥികളെയും അപ്രസ്ക്തരാക്കിയാണ് സുരേഷ് ഗോപി കുതിപ്പ് തുടർന്നത്. എതിരാളികൾക്ക് ഒരു ഘട്ടത്തിലും ആധിപത്യം നേടാനായില്ല.
