നാഗ ചൈതന്യയും സാമന്തയും പ്രധാനവേഷത്തിലെത്തിയ ചിത്രമാണ് ‘മനം’. 20014 ൽ ആണ് ചിത്രം തിയേറ്ററിലെത്തിയത്. തെലുങ്കിൽ വലിയ വിജയം നേടിയ ചിത്രത്തിന്റെ പത്താം വാർഷികത്തോടനുബന്ധിച്ച് റീ റിലീസ് ചെയ്തിരുന്നു. തിയേറ്ററിൽ സിനിമ കാണാൻ പ്രേക്ഷകർക്കൊപ്പം നാഗ ചൈതന്യയും എത്തിയിരുന്നു.
ചിത്രത്തിൽ നാഗ ചൈതന്യയും സാമന്തയും തമ്മിലുള്ള ഇന്റിമേറ്റ് സീനുകളുമുണ്ട്. എന്നാൽ തീയറ്ററിൽ ഈ രംഗത്തിനിടയിൽ എഴുന്നേറ്റ് നിന്ന് കയ്യടിക്കുന്ന പ്രേക്ഷകരോട് ഇരുന്ന് സിനിമ കാണാൻ നാഗ ചൈതന്യ പറയുന്നതാണ് ഇപ്പോൾ വൈറലായിരിക്കുന്നത്.
2014- മെയ് 23 നാണ് മനം തിയേറ്ററുകളിലെത്തിയത്. 28 കോടി ബഡ്ജറ്റിൽ നിർമ്മിച്ച ചിത്രത്തിന് ബോക്സോഫീസിൽ 62 കോടി നേടിയിരുന്നു.
ഫാന്റസി ഡ്രാമയായി എത്തിയ ചിത്രത്തില് നാഗ ചൈതന്യയുടെ പിതാവ് നാഗാര്ജുന, നാഗാര്ജുനയുടെ പിതാവ് നാഗേശ്വര റാവു തുടങ്ങിയവർ അഭിനയിച്ചിരുന്നു.
വർഷങ്ങൾ നീണ്ട പ്രണയത്തിനൊടുവിൽ വിവാഹിതരായ നാഗചൈതന്യയും സാമന്തയും നിലവിൽ വേർപിരിഞ്ഞാണ് ജീവിക്കുന്നത്. ‘യേ മായ ചെസവേ’ എന്ന ചിത്രത്തിലായിരുന്നു ഇരുവരും ആദ്യമായി ഒന്നിച്ച് അഭിനയിച്ചത്. 2017-ൽ വിവാഹിതരായ ഇരുവരും 2021-ലാണ് പിരിഞ്ഞത്.
https://x.com/ShittyWriters/status/1793636499164155981
