ചർമ്മം വരണ്ടുണങ്ങുന്നത് മിക്കവരും നേരിടുന്ന പ്രശ്നമാണ്. ചർമ്മ സംരക്ഷണത്തിന് പലവിധ ചികിത്സാ രീതികളും പരീക്ഷിക്കുമെങ്കിലും തിളക്കമാർന്ന ചർമ്മം നമുക്ക് ലഭിക്കാറില്ല. ശരിയായ ചർമ്മ സംരക്ഷണ ചികിത്സകൾ തെരഞ്ഞെടുക്കാത്തതാണ് ഇതിനു കാരണം. ഓരോ ചർമ്മത്തിനനുസരിച്ചുള്ള ചികിത്സകളാണ് നൽകേണ്ടത്. അത്തരത്തിൽ ഇപ്പോൾ പ്രചാരം നേടുന്നത് കോയിൽ ഫേഷ്യൽ ട്രീറ്റ്മെന്റാണ്. അറിയാം..
പേര് സൂചിപ്പിക്കുന്നതു പോലെ തന്നെ ആൽക്കഹോളുകൾ അടങ്ങിയ പാനീയങ്ങൾ നിശ്ചിത അളവിലെടുത്ത് ഇതിലേക്ക് ചർമ്മത്തിനനുയോജ്യമായ ഗുളികകളും മറ്റും ചേർത്ത് ഉപയോഗിക്കുന്ന ചികിത്സാ രീതിയാണിത്. ഓരോ ചർമ്മത്തിനും അനുയോജ്യമായ മിശ്രിതങ്ങൾ ചേർത്താണ് കോക്ക്ടെയിൽ ഫേഷ്യൽ ട്രീറ്റ്മെന്റ് നടത്തുന്നത്.
മുഖക്കുരു, പിഗ്മെന്റേഷൻ എന്നിവ ഒഴിവാക്കാൻ ഇത്തരം ട്രീറ്റ്മെന്റുകൾ സഹായിക്കുന്നു. വരണ്ട ചർമ്മം മാറ്റി യുവത്വം നിലനിർത്താനും ഇതിലൂടെ സാധിക്കുന്നു. വരണ്ട ചർമ്മമുള്ളവർക്കും എണ്ണമയമുള്ള ചർമ്മമുള്ളവർക്കും വ്യത്യസ്ത ചികിത്സാ രീതികളാണ് നൽകുന്നതെന്നാണ് ചർമ്മ സംരക്ഷണ വിദഗ്ധയായ ഡോ. സ്നേഹ ശർമ്മ പറയുന്നത്. അൾട്രാവയലറ്റ് രശ്മികൾ ചർമ്മത്തിൽ വരുത്തുന്ന പ്രശ്നങ്ങളെയും ഒരു പരിധി വരെ ഈ ട്രീറ്റ്മെന്റിലൂടെ ഒഴിവാക്കാമെന്നാണ് വിദഗ്ധർ പറയുന്നത്.
