നടി രമ്യാ നമ്പീശന്റെ സഹോദരനും സംഗീത സംവിധായകനുമായ രാഹുൽ സുബ്രഹ്‌മണ്യൻ വിവാഹിതനായി. ഡെബി സൂസൺ ചെമ്പകശേരിയാണ് വധു. നീണ്ട 10 വർഷത്തെ പ്രണത്തിനൊടുവിലാണ് ഇരുവരും വിവാഹിതരായത്.
ജൂൺ 12നായിരുന്നു ഇരുവരുടെയും വിവാഹം. ഇതിന്റെ വീഡിയോകളും ചിത്രങ്ങളുമാണ് ഇപ്പോൾ സമൂഹമാദ്ധ്യമങ്ങളിൽ ഇടംപിടിക്കുന്നത്. വിവാഹത്തിന് ശേഷം അടുത്തിടെ കൊച്ചിയിൽ നടന്ന സത്ക്കാരത്തിൽ ജയസൂര്യ, ഇന്ദ്രൻസ്, ഭാവന, ശിൽപ ബാല, മൃദുല മുരളി, ഷഫ്‌ന, വിനീത് തുടങ്ങി സിനിമാ രംഗത്തെ നിരവധി പ്രമുഖർ പങ്കെടുത്തിരുന്നു. രമ്യയും കൂട്ടരും അവതരിപ്പിച്ച നൃത്തവും സത്ക്കാരത്തിന്റെ മാറ്റ് കൂട്ടി.
View this post on Instagram
ജയസൂര്യയും രമ്യാ നമ്പീശനും കേന്ദ്രകഥാപാത്രങ്ങളായി എത്തിയ മങ്കിപെൻ എന്ന ചിത്രത്തിന് സംഗീതമൊരുക്കിയാണ് രാഹുൽ സിനിമാ രംഗത്തേക്ക് കടന്നു വന്നത്. പിന്നീട് തട്ടത്തിൻ മറയത്ത്, ജോ ആൻഡ് ദ ബോയ്, സെയ്ഫ്, മേപ്പടിയാൻ, ഹോം എന്നീ ചിത്രങ്ങൾക്കും അദ്ദേഹം സംഗീതമൊരിക്കി. ജയസൂര്യയെ കേന്ദ്ര കഥാപാത്രമാക്കി പുറത്തിറക്കുന്ന ബ്രഹ്‌മാണ്ഡ ചലച്ചിത്രം കത്തനാറിന് സംഗീതം പകരുന്നതും രാഹുലാണ്.
