തിരുവനന്തപുരം: കേന്ദ്രമന്ത്രിയായതിന് ശേഷം ആദ്യമായി ബിജെപി സംസ്ഥാന കമ്മിറ്റി ഓഫീസിലെത്തിയ സുരേഷ് ഗോപിക്ക് ഊഷ്മള സ്വീകരണം.
ബിജെപി സംസ്ഥാന അധ്യക്ഷൻ കെ സുരേന്ദ്രൻ, മുൻ കേന്ദ്രമന്ത്രി വി. മുരളീധരൻ, പികെ കൃഷ്ണദാസ്, അഡ്വ. എസ് സുരേഷ്, വിടി രമ തുടങ്ങിയ നേതാക്കളുടെ നേതൃത്വത്തിലായിരുന്നു സ്വീകരണം ഒരുക്കിയത്.
കെജി മാരാർ ഭവനിലെത്തിയ സുരേഷ് ഗോപിയെ പൊന്നാട അണിയിച്ചാണ് നേതാക്കൾ സ്വീകരിച്ചത്. സംസ്ഥാന അദ്ധ്യക്ഷനൊപ്പം മാദ്ധ്യമപ്രവർത്തകരെയും അദ്ദേഹം കണ്ടു.
സംസ്ഥാന കമ്മിറ്റി ഓഫീസിലെത്തിയ കേന്ദ്രമന്ത്രിക്ക് സ്വീകരണമൊരുക്കി സദ്യയും മധുരവും ഉൾപ്പെടെ ഒരുക്കിയിരുന്നു. നേതാക്കൾക്കൊപ്പം സദ്യ കഴിച്ച ശേഷമാണ് സുരേഷ് ഗോപി മടങ്ങിയത്.
ഫോട്ടോഗ്രാഫർ അരുൺ കടയ്ക്കൽ പകർത്തിയ ചിത്രങ്ങളിലൂടെ