വൈറലകാൻ പെട്ടിയിലാകാനും റെഡി.! പായുന്ന ട്രെയിനിന്റെ വാതിലിന് മുന്നിൽ യുവതിയുടെ ഡാൻസ്

കഴിഞ്ഞ ദിവസമാണ് ബഹുനില കെട്ടിടത്തിന്റെ ടെറസിൽ കയറി ഒറ്റ കൈയിൽ തൂങ്ങിയാടി യുവതിയും സുഹൃത്തും റീൽസ് ചിത്രീകരിച്ച് വിവാ​ദത്തിലായത്. ജീവൻ പണയം വച്ച നടത്തിയ സാഹസം വൈറലായതോടെ പൊലീസ് ഇരുവരെയും അറസ്റ്റ് ചെയ്തിരുന്നു. ഇതിന്റെ അലയാെലികൾ അടങ്ങുന്നതിനിടെയാണ് മറ്റൊരു സംഭവം.

ഇത്തവണ കെട്ടിടത്തിലല്ല, ഓടുന്ന ട്രെയിനിന്റെ വാതിലിന് മുന്നിലാണ് യുവതിയുടെ ഡാൻസ് സാഹസം. ‘കാൻചി ഹേ കാൻചി” എന്ന ​ഗാനത്തിന് ചുവട് വയ്‌ക്കുകയായിരുന്നു ഇവർ. വാതിലിന് അരികിൽ നിന്നാണ് ഇവരുടെ അതിസാഹസിക ഡാൻസ്. ട്രെയിൻ ഒന്ന് ബ്രേക്ക് ചെയ്താൽ തെറിച്ച് പുറത്തു പോയേക്കാവുന്ന സാഹചര്യത്തിലാണ് അഭ്യാസം.

Agar ye reel bante huye gir jaati to iski family bhi Ashwini Vaishnaw ko gaali deti 😭😭 pic.twitter.com/0ecr0syJEw

— Raja Babu (@GaurangBhardwa1) June 20, 2024

ഇവർ ട്രെയിനിൽ നിന്ന് വീണാൽ റെയിൽവെ മന്ത്രി അശ്വനി വൈഷ്ണവായിരിക്കും പഴി കേൾക്കേണ്ടി വരിക എന്ന കാപ്ഷനോടെയാണ് ഒരാൾ എക്സിൽ വീഡിയോ പങ്കുവച്ചത്. വീഡിയോ വൈറലായതോടെ യുവതിക്കെതിരെ വിമർശനവും ശക്തമായി. താൻ അവിടെയുണ്ടായിരുന്നെങ്കിൽ ആദ്യം ഇവരെ തള്ളിയിട്ടേനെ എന്ന് ഒരു യൂസർ കമന്റ് ചെയ്തു.