ചെന്നെ: 39 വർഷമായി മുംബൈ ആസ്ഥാനമായി പ്രവർത്തിക്കുന്ന ഇന്ത്യയിലെ പ്രമുഖ ഗ്ലോബൽ എച്ച് ആർ കൺസൾട്ടൻസി സ്ഥാപനം സീഗൾ ഇന്റർ നാഷണൽ ഗ്രൂപ്പിന്റെ ആധുനിക സൗകര്യങ്ങളോടു കൂടി നവീകരിച്ച ഓഫീസ് ചെന്നെ കിൽപ്പോക്കിൽ ഉദ്ഘാടനം ചെയ്തു.
Indian Eurasian Trade Commissioner ഉം എവിഎഗ്രൂപ്പ് (മെഡിമിക്സ്) മാനേജിങ് ഡയറക്ടറുമായ ഡോ. എവി അനൂപ് ഭദ്രദീപം കൊളുത്തി ഉദ്ഘാടനം നിർവഹിച്ചു. ഫ്ളൈജാക് ലോജിസ്റ്റിക് പ്രൈവറ്റ് ലിമിറ്റഡ് മാനേജിങ് ഡയറക്ടർ രവി കുമാർ മുഖ്യ അതിഥിയും, ഗോകുലം ഗ്രുപ്പ് ഓഫ് കമ്പനീസ് വൈസ് ചെയർമാൻ വി.സി പ്രവീൺ, മഹാരാഷ്ട്ര ബി.ജെ.പി മുതിർന്ന നേതാവ് രഘുനാഥ് കുൽക്കർണി, Indo Gulf & Middle East Chairman ഡോ. എൻഎം ഷറഫുദ്ദിൻ എന്നിവർ വിശിഷ്ടാതിഥികളുമായിരുന്നു.
2012 ലാണ് സീഗൾ ചെന്നൈയിൽ ആദ്യമായി പ്രവർത്തനം ആരംഭിച്ചത്. വിദേശ റിക്രൂട്ട്മെൻറ് രംഗത്ത് മുൻനിരയിൽ പ്രവർത്തിക്കുന്ന സീഗൾ ഇന്റർനാഷണൽ ഗ്രൂപ്പിന് ഇന്ത്യയിലും വിദേശത്തുമായി പതിനഞ്ച് ശാഖകളാണുള്ളത്.
