ടെലിവിഷൻ സീരിയൽ താരം ഐശ്വര്യ രാജീവ് വിവാഹിതയായി. ഹൈദരാബാദ് സ്വദേശി അർജുനാണ് ഐശ്വര്യയുടെ വരൻ. വിവാഹത്തിൽ സിനിമാ സീരിയൽ മേഖലയിലെ സുഹൃത്തുക്കളും അടുത്ത ബന്ധുക്കളും പങ്കെടുത്തു. ഐശ്വര്യയുടെ വിവാഹ വിശേഷങ്ങളാണ് സമൂഹമാദ്ധ്യമങ്ങളിൽ നിറയുന്നത്.
View this post on Instagram
വിവാഹവുമായി ബന്ധപ്പെട്ട എല്ലാ കാര്യങ്ങളും എശ്വര്യ തന്റെ യൂട്യൂബ് ചാനലിലൂടെയാണ് പുറത്ത് വിട്ടിരുന്നത്. വിവാഹ ഒരുക്കങ്ങള് തുടങ്ങിയതുമുതല് വീഡിയോകളും പങ്കുവയ്ക്കുന്നുണ്ട്. സ്വര്ണവും ഡ്രസ്സും എടുക്കാന് പോയതും, ഹല്ദി ആഘോഷവും എല്ലാം വന്നു കഴിഞ്ഞു. അവസാനം, വിവാഹം കഴിഞ്ഞ വീഡിയോയും നടിയുടെ യൂട്യൂബ് ചാനലിൽ വന്നിട്ടുണ്ട്.
നാലുവയസിൽ അഭിനയ രംഗത്തെത്തിയതാണ് ഐശ്വര്യ. സീരിയലിൽ ബീന ആന്റണിയുടെ മകളായിട്ടായിരുന്നു തുടക്കും. ജയറാമും ഗീതു മോഹന്ദാസും ജോടികളായ പൗരനില് ഗീതുവിന്റെ കുട്ടിക്കാലം അവതരിപ്പിച്ചതും ഐശ്വര്യ ആണ്. സുധാകര് മംഗളോദയത്തിന്റെ വെളുത്ത ചെമ്പരത്തിയാണ് ആദ്യ സീരിയല്. ടമാർ പടാർ, സ്റ്റാര് മാജിക് ഷോകളിലൂടെയാണ് ഐശ്വര്യ ജനശ്രദ്ധ നേടിയത്.
ഖത്തറിൽ എഞ്ചിനീയറായി ജോലി ചെയ്തു വരികയാണ് അർജുൻ. വിവാഹ ശേഷം അർജുനുമൊത്ത് ഖത്തറിലേക്ക് പോകുമെന്നാണ് താരം പറയുന്നത്.
