മുംബൈ; ഗ്രാമീണ, അർദ്ധനഗര (RUSU) വിപണികളിൽ പ്രീമിയർ ശാഖകൾ ആരംഭിക്കുമെന്ന് യൂണിയൻ ബാങ്ക് ഓഫ് ഇന്ത്യ. ഉപഭോക്താക്കൾക്ക് കൂടുതൽ ശ്രദ്ധയും മികച്ച സൗകര്യങ്ങളുമുള്ള ബ്രാഞ്ചുകൾ, ഉയർന്ന നിലവാരമുള്ള സേവനം എന്നിവയിലൂടെ ഉപഭോക്തൃ സംതൃപ്തി വർദ്ധിപ്പിക്കുകയാണ് ഇതിലൂടെ ലക്ഷ്യമിടുന്നത്.
മികച്ച ഇൻ-ക്ലാസ് ഉപഭോക്തൃ അനുഭവം, ആംബിയന്റ് ബ്രാഞ്ചുകൾ എന്നിവ പ്രീമിയർ ബ്രാഞ്ചുകളുടെ സവിശേഷതകളാണ്. വ്യക്തിഗത ബാങ്കിംഗ് സേവനങ്ങൾ നൽകുന്നതിനായി രൂപകൽപ്പന ചെയ്തിരിക്കുന്ന ഈ ശാഖകൾ ഉപഭോക്താക്കൾക്ക് ഒരു പ്രത്യേക ബ്രാഞ്ച് ബാങ്കിംഗ് അനുഭവമായിരിക്കും നൽകുക.
ഓരോ ഉപഭോക്താക്കൾക്ക് വ്യക്തിഗത റിലേഷൻഷിപ്പ് മാനേജർ, അത്യാധുനിക ഡിജിറ്റൽ ബാങ്കിംഗ് സൊല്യൂഷനുകളുടെ സേവനം തുടങ്ങിയവ ബാങ്കിംഗ് അനുഭവം വേഗമേറിയതും തടസരഹിതവുമാക്കും. ലോകോത്തരവും കാര്യക്ഷമവുമായ ബാങ്കിംഗ് അനുഭവം ആസ്വദിക്കുന്നതിന് പ്രതിജ്ഞാബദ്ധരാണെന്ന് യൂണിയൻ ബാങ്ക് ഓഫ് ഇന്ത്യ മാനേജിംഗ് ഡയറക്ടറും സിഇഒയുമായ എ മണിമേഖലൈ പറഞ്ഞു. യൂണിയൻ ബാങ്ക് ഓഫ് ഇന്ത്യയുടെ വെബ്സൈറ്റായ www.unionbankofindia.co.in സന്ദർശിച്ചാൽ കൂടുതൽ വിവരങ്ങൾ ലഭ്യമാകും.
