ആദ്യ നായികയെ കണ്ടതിന്റെ സന്തോഷം പങ്കുവച്ച് നടൻ മുന്ന സൈമൺ. വീണ്ടും കാണാൻ സാധിച്ചതിൽ സന്തോഷം ഗൗരീശങ്കരം 2 എന്ന അടിക്കുറിപ്പോടെയാണ് ആദ്യ നായികയായ കാവ്യാ മാധവനോടൊപ്പമുള്ള ചിത്രം നടൻ പങ്കുവച്ചത്.
ഇന്നും ഏറെ ആരാധകരുള്ള കാവ്യാ മാധവൻ ചിത്രങ്ങളിൽ ഒന്നാണ് ഗൗരീ ശങ്കരം. നേമം പുഷ്പരാജിന്റെ സംവിധാനത്തിൽ 2003-ലാണ് ഗൗരീ ശങ്കരം പുറത്തിറങ്ങിയത്. മുന്ന സൈമണിന്റെ ആദ്യ ചിത്രം കൂടിയായിരുന്നു ഗൗരീ ശങ്കരം. ‘കാവ്യാ മാധവനെ വീണ്ടും കാണാൻ കഴിഞ്ഞതിൽ സന്തോഷം. മലയാള സിനിമയിലെ എന്റെ ആദ്യനായിക. അന്നും അന്നും എന്നും സുഹൃത്തുക്കൾ. ഗൗരീശങ്കരം 2’ എന്ന ക്യാപ്ഷനോടെയാണ് നടൻ ഇൻസ്റ്റഗ്രാമിൽ ചിത്രങ്ങൾ പോസ്റ്റ് ചെയ്തിരിക്കുന്നത്.
നടന്റെ പോസ്റ്റിന് നിരവധി കമന്റുകളും ലഭിക്കുന്നുണ്ട്. ഗൗരീ ശങ്കരം 2 എന്ന് എഴുതിയിരിക്കുന്നതിനാൽ രണ്ടാം ഭാഗം വരാൻ പോകുകയാണോ എന്നാണ് കൂടുതൽ പേരും ചോദിക്കുന്നത്. വർഷങ്ങൾക്ക് ശേഷം രണ്ടുപേരെയും ഒന്നിച്ച് കാണാൻ കഴിഞ്ഞതിൽ സന്തോഷമുണ്ടെന്നും ആരാധകർ കമന്റിടുന്നുണ്ട്. നടി മീരാ നന്ദന്റെ വിവാഹ റിസപ്ഷനിൽ വച്ചായിരുന്നു ഇരുവരും വീണ്ടും കണ്ടുമുട്ടിയത്.
View this post on Instagram
നടി ജയഭാരതിയുടെ അനന്തരവനാണ് മുന്ന സൈമൺ. തമിഴ്നാട് സ്വദേശിയാണെങ്കിലും അഭിനയജീവിതം ആരംഭിക്കുന്നത് മലയാളത്തിൽ ആയിരുന്നു. ഗൗരീശങ്കരത്തിന് ശേഷം തമിഴ്, തെലുങ്ക് ഭാഷകളിലും മുന്ന അഭിനയിച്ചിട്ടുണ്ട്. വിക്രം നായകനായെത്തുന്ന ധ്രുവനച്ചത്തിരമാണ് നടന്റേതായി പുറത്തിറങ്ങാനുള്ള ചിത്രം.
