ന്യൂഡൽഹി : കമ്യൂണിസ്റ്റ് ഭീകരൻ മുഹമ്മദ് ഹുസൈനെ അറസ്റ്റ് ചെയ്ത് തെലങ്കാന പോലീസ് . മഞ്ചേരിയൽ ജില്ലയിലെ രാമകൃഷ്ണപുരിൽ നിന്നാണ് മുഹമ്മദ് ഹുസൈനെ പിടികൂടിയത്.
തെലങ്കാനയിലെ സിങ്കരേണി കൽക്കരി ബെൽറ്റ് മേഖലയിൽ കമ്യൂണിസ്റ്റ് ഭീകര ആശയങ്ങൾ പ്രചരിപ്പിക്കുന്നതിനും നിരോധിത കമ്യൂണിസ്റ്റ് ഭീകര സംഘടനയായ സിങ്കരേണി കാർമിക സമഖ്യ പുനസംഘടിപ്പിക്കാനുമായി കഴിഞ്ഞ രണ്ട് മാസമായി മുഹമ്മദ് ഹുസൈൻ പ്രവർത്തിക്കുകയാണെന്ന് പൊലീസ് പറഞ്ഞു . അന്വേഷണത്തിനായി ഡിസിപി എഗ്ഗഡി ഭാസ്കർ പ്രത്യേകസംഘം രൂപീകരിച്ചിരുന്നു . മന്ദമാരി, രാമകൃഷ്ണപൂർ മേഖലകളിൽ കമ്യൂണിസ്റ്റ് ഭീകരർ ലഘുലേഖകൾ വിതരണം ചെയ്യുന്നതായി കണ്ടെത്തി.
തിങ്കളാഴ്ച പൊലീസ് പട്രോളിങ് നടത്തുന്നതിനിടെ ആർകെ 1 ഗനി റോഡിൽ ബാഗുമായി ഒരാൾ രക്ഷപ്പെടാൻ ശ്രമിക്കുന്നത് ശ്രദ്ധയിൽപ്പെട്ടു. തുടർന്ന് പൊലീസ് ഇയാളെ പിടികൂടി, പരിശോധനയിൽ കമ്യൂണിസ്റ്റ് ഭീകര പോസ്റ്ററുകളും ലഘുലേഖകളും കണ്ടെത്തി. ഇയാളെ കസ്റ്റഡിയിലെടുത്ത് ചോദ്യം ചെയ്തപ്പോൾ ജമ്മുകുണ്ട സ്വദേശി മുഹമ്മദ് ഹുസൈനാണെന്ന് തിരിച്ചറിഞ്ഞു.2009ൽ ജാർഖണ്ഡിൽ അറസ്റ്റിലായ മുഹമ്മദ് ഹുസൈൻ 2013 വരെ ജയിലിലായിരുന്നു.
