കോപ്പയിലും നോവായി മെസിയുടെ പരിക്ക്! ഏറെ നാൾ പുറത്തിരിക്കേണ്ടിവരും?

അധികസമയത്ത് ലൗട്ടാരോ മാർട്ടിനെസ് നേടിയ​ ​ഗോളിൽ അർജന്റീന 16-ാം കോപ്പ കിരീടം നേടിയപ്പോൾ വേദനയായത് മെസിയുടെ പരിക്ക്. വലതു കണങ്കാലിൽ പരിക്കേറ്റ് 65-ാം മിനിട്ടിലാണ് മെസി പരിക്കേറ്റ് മൈതാനത്ത് വീണത്. പിന്നാലെ താരം വേദനകാെണ്ട് പുളയുന്നതും ആരാധകർ കണ്ടു. 36-ാം മിനിട്ടിലും മെസിക്ക് കാലിന് പരിക്കേറ്റിരുന്നെങ്കിലും കളത്തിലേക്ക് മടങ്ങിയെത്തി.

എന്നാൽ രണ്ടാമത്തെ പരിക്കിന് ശേഷം താരത്തിന് നടക്കാൻ പോലും സാധിക്കാത്ത സ്ഥിതിയായി. ഇതോടെ മെസിയെ പിൻവലിച്ച് നിക്കോളാസ് ​ഗോൺസാലസിനെ ഇറക്കി. ഇതോടെ സൈഡ് ലൈനിൽ ഐസ് പാക്ക് കാലിൽവച്ച് മെസി നിലത്തുകിടന്നു കരഞ്ഞു. 2016 ൽ യൂറോ ഫൈനലിൽ സമാനമായി ക്രിസ്റ്റ്യാനോയ്‌ക്കും പരിക്കേറ്റിരുന്നു. താരവും ഇതുപോലെ കണ്ണീർവാർത്താണ് കളം വിട്ടത്. അതേസമയം ഡ​ഗൗട്ടിൽ പോയിരുന്നെങ്കിലും മെസിക്ക് കരച്ചിലടക്കാനായില്ല. വാവിട്ട് നിലവിളിക്കുന്ന താരത്തെയും പിന്നീട് കാമറകൾ ഒപ്പിയെടുത്തു.

അതേസമയം താരത്തിന്റെ പരിക്കിനെക്കുറിച്ചുള്ള വിവരങ്ങൾ ഇതുവരെ പുറത്തുവന്നിട്ടില്ല. വലതു കണങ്കാൽ നീരടിച്ച് ബലൂൺ പോലെ വീർത്തിട്ടുണ്ട്. കിരീടം വാങ്ങാനെത്തുമ്പോഴും ആഘോഷങ്ങൾക്കും മെസി മുടത്തിയാണ് നടന്നത്. പരിക്ക് ​ഗുരുതരമാണെങ്കിൽ താരം ഏറെ നാൾ കളത്തിന് പുറത്തിരിക്കേണ്ടിവരും.

Lionel Messi in tears after being subbed out due to injury 💔 pic.twitter.com/gzZtbGmxLB

— Bő (@MutedBo) July 15, 2024