മദ്യപിക്കാനെത്തിയ ആൾ ബാറിന് മുകളിൽ നിന്ന് ചാടി ജീവനൊടുക്കി; ഇംഗ്ലീഷിൽ എഴുതിയ ആത്മഹത്യാക്കുറിപ്പും കണ്ടെടുത്തു

എറണാകുളം: മദ്യപിക്കാനെത്തിയ ആൾ ബാറിന് മുകളിൽ നിന്ന് ചാടി ജീവനൊടുക്കി. കടവന്ത്രയിൽ ഇന്ന് രാവിലെയായിരുന്നു സംഭവം. കടവന്ത്ര ജംഗ്ഷനിൽ പ്രവർത്തിക്കുന്ന ഒലീവ് ഡൗൺ ടൗൺ ഹോട്ടലിലെ ബാറിൽ നിന്നാണ് 40 വയസുകാരൻ ചാടി മരിച്ചത്. ഇയാളുടെ പേര് വിവരങ്ങൾ ശേഖരിച്ച് വരികയാണെന്ന് പൊലീസ് പറഞ്ഞു.

” All good things must come to an end, and when my good thing dies, I too shall die with it” എന്ന് എഴുതിയിരിക്കുന്ന ഒരു ആത്മഹത്യ കുറിപ്പും ഇയാളുടെ പക്കൽ നിന്ന് കണ്ടെടുത്തിട്ടുണ്ട്. എതിർ വശത്തെ കെട്ടിടത്തിൽ ജോലി ചെയ്യുന്ന ജീവനക്കാരിയാണ് ഇയാൾ ചാടുന്നത് കണ്ടത്.

വീഴ്ചയിൽ ഇയാളുടെ കാൽ വേർപ്പെട്ടനിലയിലാണ്. ആത്മഹത്യയ്‌ക്ക് പിന്നിലുള്ള കാരണം വ്യക്തമല്ലെന്നും അന്വേഷണം ആരംഭിച്ചതായും പൊലീസ് പറഞ്ഞു.