മലപ്പുറം: നായക്കുട്ടികളോട് കണ്ണില്ലാ ക്രൂരത. പ്രസവിച്ച ഉടനെയുള്ള നാല് നായക്കുട്ടികളെ ചാക്കിൽ കെട്ടി റോഡരുകിൽ തള്ളി. മലപ്പുറം നഗരത്തിൽ പൂവാട്ടു കുന്നിലാണ് സംഭവം. കനത്ത മഴയിൽ നനഞ്ഞ് തണുത്ത് വിറച്ച് നായക്കുട്ടികൾ റോഡരുകിൽ മണിക്കൂറുകളോളമാണ് കിടന്നത്.
മലപ്പുറം നഗരസഭ കൗൺസിലർ കെപിഎ ഷെരീഫും മൃഗ സ്നേഹിയായ അഭിഭാഷക യമുനയും ചേർന്ന് നാല് നായക്കുട്ടികളെയും മൃഗ ഡോക്ടറുടെ അടുത്തെത്തിച്ചു. നായക്കുട്ടികളെ തത്ക്കാലം സംരക്ഷിക്കുമെന്ന് ഷെരീഫ് അറിയിച്ചിട്ടുണ്ട്.
