നിശാഗന്ധി പ്രൊഡക്ഷൻസിന്റെ ബാനറിൽ സജാദ് വെമ്പയം സംവിധാനം ചെയ്യുന്ന മ്യൂസിക്കൽ ആൽബം ‘പശി’ റിലീസ് ആയി. മനോരമ മ്യൂസിക്‌സിന്റെ യൂട്യൂബ് ചാനലിലൂടെയാണ് ആൽബം റിലീസ് ചെയ്തത്. അട്ടപ്പാടിയിൽ ആഹാരം മോഷ്ടിച്ചുവെന്ന
പേരിൽ ക്രൂര മർദ്ദനമേറ്റ് മരണപ്പെട്ട മധുവിന്റെ ജീവിതം ആണ് ആൽബത്തിന്റെ ഇതിവൃത്തം.
വിശപ്പ് പ്രമേയമായ ആൽബത്തിലെ ഗാനം പ്രശസ്ത സംഗീത സംവിധായകൻ ശരത്ത് ആണ് ആലപിച്ചിരിക്കുന്നത്. അഭിഷ സുരഭിയുടെ വരികൾക്ക് രെജൻ രഘു സംഗീതം നൽകുന്നു. പ്രദീപ് കെ.ശ്രീ, രാജീവൻ കെ.എം എന്നിവരാണ് പശിയിൽ പ്രധാന വേഷങ്ങൾ അവതരിപ്പിക്കുന്നത്. ബവിൻ ബാലൻ ആണ് ആൽബം നിർമ്മിക്കുന്നത്.
മികച്ച പ്രതികരണമാണ് ആൽബത്തിന് ലഭിച്ചു കൊണ്ടിരിക്കുന്നത്. സിനിമ -സംഗീത രംഗത്തെ പ്രമുഖർ ഇതിനോടകം സോഷ്യൽ മീഡിയ പേജുകളിൽ ‘പശി’ പങ്കുവെച്ചുകഴിഞ്ഞു.
ആശയം- അഭിഷ സുരഭി, ഓർക്കസ്‌ട്രേഷൻ- അനൂപ് കോവളം, ക്രീയേറ്റിവ് ഡയറക്ടർ -ബിനുപേഷ് അശോക്, ഛായഗ്രഹണം- വൈശാഖ് ജയകുമാർ,സജീഷ് രാഗം, എഡിറ്റിംഗ് -മുഹമ്മദ് നൗഷാദ്,സഹ സംവിധാനം- ഹരിപ്രസാദ്, സ്‌ക്രിപ്റ്റ്- രാധിക കൃഷ്ണൻ.എം, ആർട്ട് ഡയറക്ടർ അർജുൻ, പ്രണവ്, മേക്കപ്പ് രാജേഷ്, ഡിജിറ്റൽ മാർക്കറ്റിങ് – അമൽ കാനത്തൂർ, പിആർഒ – സുനിത സുനിൽ, പോസ്റ്റർ ഡിസൈൻ മാജിക് മോമെന്റ്‌സ്, സ്റ്റുഡിയോ -ചിത്രാഞ്ജലി, തിരുവനന്തപുരം.
