ഭോപാൽ: ഇംഗ്ലീഷ് പദ്യത്തിന് പകരം ഭഗവദ് ഗീതയിലെ ശ്ലോകം ചെല്ലിയ വിദ്യാർത്ഥിയിൽ നിന്ന് മൈക്ക് പിടിച്ച് വാങ്ങി പ്രിൻസിപ്പൽ. പരാതിയെ തുടർന്ന് മിഷനറി സ്കൂൾ പ്രിൻസിപ്പൽ സിസ്റ്റർ കാതറിനെതിരെ പൊലീസ് കെസെടുത്തു.
കഴിഞ്ഞ ദിവസമാണ് സംഭവം. സ്കൂളിൽ നടന്ന പരിപാടിയിൽ വിദ്യാർത്ഥി സംസ്കൃത ശ്ലോകം ചൊല്ലിയതിന് പിന്നാലെയാണ് സിസ്റ്റർ കാതറിൻ എതിർക്കുകയും മൈക്ക് തട്ടിയെടുത്തതും . പിന്നാലെ കുട്ടിയെ ശകാരിക്കുകയും ചെയ്തു. സംഭവത്തിന് പിന്നാലെ എബിവിപി ഉൾപ്പടെയുള്ള വിദ്യാർത്ഥി സംഘടനകളും മത സംഘടനകളും പ്രതിഷേധവുമായി രംഗത്തെത്തി. സ്കൂൾ വളഞ്ഞ് ഗേറ്റിന് മുൻപിൽ ഭജന പാടിയായിരുന്നു പ്രതിഷേധം.
പൊലീസെത്തിയാണ് സ്ഥിതി നിയന്ത്രണവിധേയമാക്കിയത്. തുടർന്ന് വിദ്യാർത്ഥിയുടെ പരാതിയിൽ, മതവികാരം വ്രണപ്പെടുത്തിയതിന് പൊലീസ് കേസെടുത്തു. സംഭവത്തിൽ അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.
