വിരാട് കോലി പാകിസ്താനിൽ കളിക്കുന്നത് കാണാൻ ആഗ്രഹമുണ്ടെന്ന് മുൻ പാക് താരം യൂനിസ് ഖാൻ. ചാമ്പ്യൻസ് ട്രോഫി മത്സരങ്ങൾക്കായി ഇന്ത്യൻ ടീമിനെ പാകിസ്താനിലേക്ക് അയക്കണമെന്നും അദ്ദേഹം ബിസിസിഐയോട് അഭ്യർത്ഥിച്ചു.
വിരാട് കോലി ചാമ്പ്യൻസ് ട്രോഫി ടൂർണമെന്റിനായി പാകിസ്താനിലേക്ക് വരണമെന്ന് ഞങ്ങൾ ആഗ്രഹിക്കുന്നു. അദ്ദേഹത്തിന്റെ കരിയറിൽ ശേഷിക്കുന്നത് പാകിസ്താനിൽ കളിക്കാനിറങ്ങുക എന്നതാണ്. ഇത്തവണ അത് സാധ്യമാക്കണം. ഇവിടെ അദ്ദേഹത്തിന് ഒത്തിരി ആരാധകരുണ്ട്. -യൂനിസ് ഖാൻ പറഞ്ഞു. 2006-ൽ അണ്ടർ 19 ടീമിനൊപ്പം പാകിസ്താനിൽ രാജ്യത്തിനായി കോലി കളിച്ചിട്ടുണ്ട്. എന്നാൽ സീനിയർ ടീമിനൊപ്പം പാകിസ്താൻ പര്യടനം നടത്തിയിട്ടില്ല. ഇന്ത്യൻ ടീമിനെ ചാമ്പ്യൻസ് ട്രോഫി മത്സരങ്ങൾക്കായി പാകിസ്താനിലേക്ക് അയക്കണമെന്ന് ബിസിസിഐയോട് ഷഹീൻ ഷാ അഫ്രീദി ഉൾപ്പെടെയുള്ള താരങ്ങൾ ആവശ്യപ്പെട്ടിരുന്നു.
Younis Khan said “Virat Kohli should come to Pakistan for the 2025 Champions Trophy, it’s our wish too. I think the only thing left in Kohli’s career is to tour Pakistan and perform in Pakistan” 🇮🇳🇵🇰🔥🔥
[via News24 Sports] pic.twitter.com/MdBGZafhsX
— Farid Khan (@_FaridKhan) July 24, 2024
“>
ഇന്ത്യൻ ടീമിനെ ഞങ്ങൾ പാകിസ്താനിലേക്ക് സ്വാഗതം ചെയ്യുന്നു. 2005-06 കാലഘട്ടത്തിൽ ഇന്ത്യൻ ടീം പാകിസ്താനിലേക്ക് എത്തിയപ്പോൾ എല്ലാവരും അത് ആസ്വദിച്ചിരുന്നു.
