തിരുവനന്തപുരം: ടി മണികണ്ഠൻ എഴുതിയ “വാരാഹി മാഹാത്മ്യം” പുസ്തകം പ്രകാശനം ചെയ്തു. തിരുവനന്തപുരം പേട്ട പഞ്ചമി വാരാഹി ക്ഷേത്ര നടയിൽ വെച്ച് ഇന്ത്യ ബുക്സ് എഡിറ്റർ ടി കെ സുധാകരൻ പഞ്ചമി വാരാഹി ക്ഷേത്ര ട്രസ്റ്റ് കമ്മിറ്റി സെക്രട്ടറി കെ ശശിധരന് നൽകി പ്രകാശനം നിർവഹിച്ചു.
വാരാഹി മാല എന്ന തമിഴ് ഗ്രന്ഥത്തിന്റെ മലയാള വിവർത്തനമായ ഈ പുസ്തകം പ്രസിദ്ധീകരിച്ചത് കോഴിക്കോട് ഇന്ത്യ ബുക്സ് ആണ്. ഈ ഗണത്തിൽ പെടുന്ന മലയാള ഭാഷയിലെ ആദ്യ ഗ്രന്ഥമാണ് ഇത്. കേരളാ വിദ്യാഭ്യാസ വകുപ്പിൽ തമിഴ് അധ്യാപകനായിരുന്ന ടി മണികണ്ഠൻ ആണ് വിവർത്തനം നിർവഹിച്ചത്.
ടി കെ സുധാകരൻ (ഇന്ത്യ ബുക്സ് ), ടി മണികണ്ഠൻ ,ക്ഷേത്ര ട്രസ്റ്റ് കമ്മിറ്റി സെക്രട്ടറി കെ ശശിധരൻ ,ക്ഷേത്ര ട്രസ്റ്റ് കമ്മിറ്റി വൈസ് പ്രെസിഡന്റ് പേട്ട ബാബു, പഞ്ചമി വാരാഹി ക്ഷേത്ര ട്രസ്റ്റ് കമ്മിറ്റി അംഗങ്ങൾ തുടങ്ങിയവർ പ്രകാശന ചടങ്ങിൽ പങ്കെടുത്തു.
