സ്വന്തം ബ്രാൻഡിന്റെ ഷർട്ട് മമ്മൂട്ടിക്ക് സമ്മാനിച്ച് നടൻ കുഞ്ചന്റെ മകളും ഫാഷൻ ഡിസൈനറുമായ സ്വാതി കുഞ്ചൻ. സ്വന്തം ബ്രാൻഡായ വൈറ്റ് മുസ്താഷിന്റെ ഷർട്ടാണ് മമ്മൂട്ടിക്ക് സമ്മാനിച്ചത്. വൈറ്റ് മുസ്താഷിന്റെ ഇൻസ്റ്റഗ്രാം പേജിൽ ഈ ചിത്രങ്ങൾ പങ്കുവച്ചിട്ടുണ്ട്. മമ്മൂട്ടിയുടെ വീട്ടിലെത്തിയായിരുന്നു പ്രത്യേകം ഡിസൈൻ ചെയ്ത ഷർട്ട നൽകിയത്.
ഹാഫ് സ്ലീവിലെ ചുവന്ന ഷർട്ടാണ് മമ്മൂട്ടിക്ക് സ്വാതി കുഞ്ചൻ സമ്മാനിച്ചത്. നടൻ കുഞ്ചന്റെ കുടുംബവുമായി മമ്മൂട്ടി അടുത്ത ബന്ധമാണ് പുലർത്തുന്നത്. ഈ സ്നേഹം തന്നെയാണ് ഈ സമ്മാനത്തിനും പിന്നിൽ. താരപുത്രിയെന്നതിലുപരി ഫാഷൻ ഡിസൈനർ എന്ന നിലയിൽ തന്റെതായ ഇടം കണ്ടെത്തിയ ആളാണ് സ്വാതി.
നിത അംബാനിയുടെ കമ്പനികളായ ഹർ സർക്കിൾ, ഫെമിന എന്നിവയിലും സ്വാതി പ്രവർത്തിച്ചിട്ടുണ്ട്. ഫെമിനയിലെ ഹെഡ് സ്റ്റൈലിസ്റ്റ് അക്ഷിത സിംഗിന് കീഴിലാണ് സ്വാതി ആദ്യം ജോലി ചെയ്തിരുന്നത്. പിന്നീട് ഹെഡ് സ്റ്റൈലിസ്റ്റ് ആയി മാറിയ സ്വാതി ഇന്ന് ഏറെ തിരക്കുള്ള ലക്ഷങ്ങൾ പ്രതിഫലം വാങ്ങുന്ന ഫാഷൻ സ്റ്റൈലിസ്റ്റ് ആണ്.
View this post on Instagram
