പാലക്കാട്: സ്ത്രീകളുടെ നഗ്ന ദൃശ്യങ്ങൾ പകർത്തി സമൂഹ മാദ്ധ്യമങ്ങൾ വഴി പ്രചരിപ്പിച്ചെന്ന് ആരോപിച്ച് വ്ളോഗറെ ഒരു കൂട്ടം സ്ത്രീകൾ കെട്ടിയിട്ട് മർദ്ദിച്ചു. കോട്ടത്തറ ചന്തക്കട സ്വദേശി മുഹമ്മദലി ജിന്നയെയാണ് സ്ത്രീകൾ മർദ്ദിച്ചത്.
തമിഴ്നാട് സ്വദേശികളായ സ്ത്രീകളുടെ നഗ്ന ചിത്രങ്ങളും ദൃശ്യങ്ങളും പകർത്തിയെന്നാണ് ആരോപണം. തുടർന്ന് പ്രകോപിതരായ സ്ത്രീകൾ ഇയാളെ കെട്ടിയിട്ട് മർദ്ദിക്കുകയായിരുന്നു. പൊലീസ് സ്ഥലത്തെത്തിയതിന് ശേഷമാണ് ഇയാളുടെ കെട്ടഴിച്ചത്.
സ്ത്രീകളുടെ പരാതിയിൽ മുഹമ്മദലി ജിന്നയ്ക്കെതിരെ കേസെടുത്തു. എന്നാൽ നിയമം കയ്യിലെടുത്തതിനെതിരെ സ്ത്രീകൾക്കെതിരെയും പൊലീസ് കേസെടുത്തിട്ടുണ്ട്.
