എഫ്ടിടിഎച്ച് ഉപഭോക്താക്കൾക്ക് ഇതുവരെ ഒരു ടെലികോം കമ്പനിയും ചെയ്തിട്ടില്ലാത്ത സേവനം നൽകി ബിഎസ്എൻഎൽ. ബിഎസ്എൻഎല്ലിന്റെ അതിവേഗ ഇന്റർനെറ്റ് ഫൈബർ കണക്ഷനിൽ ഒടിടി വേണ്ടാത്തവർക്ക് ഇന്റർനെറ്റ് സ്പീഡ് കൂട്ടിക്കൊടുക്കും. ഇങ്ങനെ ഒടിടി ഒഴിവാക്കിയുള്ള പ്ലാനുകൾ നിലവിൽ വന്നിട്ടുണ്ട്.
പ്രതിമാസം 599, 699, 799 രൂപ നിരക്കിലുള്ള ഫൈബർ ടു ദ ഹോം (എഫ്ടിടിഎച്ച്) പ്ലാനുകളിലാണ് വ്യത്യാസം വരുത്തിയിരിക്കുന്നത്. മൊബൈൽ കമ്പനികൾ പ്ലാനുകൾക്കൊപ്പം വോയ്ഡ് കോൾ, എസ്എംഎസ്, ഡാറ്റ എന്നിവ ഉൾപ്പെടുത്തുന്നത് ട്രായ് പുനരാലോചിക്കുന്ന ഘട്ടത്തിലാണ് വേണ്ടാത്തതൊക്കെ ഒഴിവാക്കി ഉപയോക്താക്കളെ ബിഎസ്എൻഎൽ സഹായിക്കുന്നത്.
ഒടിടി ആവശ്യമില്ലാത്തവർക്ക് അത് ഒഴിവാക്കി കൊടുക്കുന്നതിലൂടെ ഇന്റനെറ്റ് ട്രാഫിക് കുറയ്കാകൻ സാധിക്കും. ആവശ്യമില്ലാതെ ഒടിടി കമ്പനിക്ക് പണം കൊടുക്കുന്നതിൽ നിന്ന് ബിഎസ്എൻഎല്ലിന് ഒഴിവാകുകയും ചെയ്യാം. പുതിയ പ്ലാൻ പ്രകാരം 599 രൂയ്ക്ക് റീചാർജ് ചെയ്താൽ 100 Mbps സ്പീഡിൽ ഡേറ്റാ ലഭിക്കും. നേരത്തെ ഇത് 75 Mbps സ്പീഡായിരുന്നു. ഒടിടി ആവശ്യമില്ലെങ്കിൽ റീചാർജ് പ്ലാനിൽ ഉൾപ്പെടുത്തിയിരുന്നു. പ്രതിമാസം ഉപയോഗിക്കാവുന്ന ഡാറ്റ 4,000 ജിബി ആയി തന്നെ നിലനിർത്തിയിട്ടുണ്ട്.
