ഡൽഹിയിൽ റെഡ് അലർട്ട്! പ്രളയ സമാനം; റോഡുകൾ വെള്ളത്തിൽ; പരക്കെ ​ഗതാ​ഗത കുരുക്ക്

ഡൽഹിയിൽ പ്രണയ ഭീഷണി മുന്നിൽ കണ്ട് റെഡ് അലർട്ട് പ്രഖ്യാപിച്ച് കാലാവസ്ഥാ നിരീക്ഷണ കേന്ദ്രം. ഡൽഹി ന​ഗരത്തെ മുക്കി ശക്തമായ മഴയാണ് പെയ്യുന്നത്. താഴ്ന്ന പ്രദേശങ്ങളിലും പ്രദേശത്തെ എല്ലാ റോഡുകളിലും വെള്ളക്കെട്ട് രൂക്ഷമായി. വാഹനങ്ങൾ വഴിയിൽ കുടുങ്ങിയ നിലയിലാണ്.

ഡൽഹി-നോയിഡ എക്സ്പ്രസ് വേയിലും മഥുര റോഡിലും വെള്ളം കയറിയതോടെ ​ഗതാ​ഗതം സ്തംഭിച്ചു. ഡൽഹിയിലെ സിവില്‍ സര്‍വീസ് കോച്ചിം​ഗ് സെന്ററിന്റെ ബേസ്‌മെന്റില്‍ വെള്ളം കയറി മൂന്ന് ഐഎഎസ് വിദ്യാർത്ഥികൾ ദാരുണമായി മുങ്ങിമരിച്ച രജീന്ദർ ന​ഗറിലും വെള്ളക്കെട്ടാണ്. വരും മണിക്കൂറുകളിൽ ഡൽഹി, നോയിഡ, ഗു‍ർ​ഗോൺ, ഗാസിയാബാദ് എന്നിവിടങ്ങളിൽ കനത്ത മഴയ്‌ക്ക് സാദ്ധ്യതയുണ്ട്. മണിക്കൂറിൽ 30-50 കി.മീറ്റ‌ർ വേ​ഗതയിൽ കാറ്റ് വീശാനും സാദ്ധ്യതയുണ്ട്.

“അടുത്ത രണ്ട് മണിക്കൂറിനുള്ളിൽ വടക്കൻ ഡൽഹി, സെൻട്രൽ-ഡൽഹി, ന്യൂഡൽഹി, സൗത്ത് ഡൽഹി, തെക്ക്-കിഴക്കൻ ഡൽഹി, കിഴക്കൻ ഡൽഹി, എൻസിആർ എന്നിവിടങ്ങളിൽ ഇടിയോടും മിന്നലോടും കൂടിയ കനത്ത മഴയ്‌ക്ക് സാദ്ധ്യതയുണ്ട്,” -കാലാവസ്ഥാ നിരീക്ഷണ കേന്ദ്രം പ്രസ്താവനയിൽ പറഞ്ഞു.

Protest site at Old Rajendra Nagar

Where is MCD? #DelhiRains #oldrajendernagar

pic.twitter.com/U8Op5dpfDF

— Sudha Yadav (@Sudha6644) July 31, 2024

“>

Delhi’s Karol Bagh after heavy rain in the national capital and other areas.#DelhiRains #DelhiRain pic.twitter.com/hdJjPDlmkq

— Vani Mehrotra (@vani_mehrotra) July 31, 2024