ഉരുൾപൊട്ടലിൽ വഴിമുട്ടിയ ജീവിതങ്ങളെ കരകയറ്റാൻ കേരളത്തിനൊപ്പം തെലുങ്ക് താരം അല്ലു അർജുനും. ഉരുളെടുത്ത ജീവിതങ്ങൾക്ക് വീട് നിർമിച്ചു നൽകുന്നതിനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് 25 ലക്ഷം രൂപയാണ് താരം സംഭാവന നൽകിയത്. താരത്തിന്റെ വാക്കുകളാണ് ഇപ്പോൾ ശ്രദ്ധേയമാകുന്നത്.
”കേരളം എനിക്ക് തന്ന സ്‌നേഹം വളരെ വലുതാണ്. വയനാട്ടിലെ ദുരന്തത്തിൽ ഞാൻ അതീവ ദുഃഖിതനാണ്. അതിനാൽ പുനരധിവാസ പ്രവർത്തനങ്ങൾക്ക് സഹായകമാവാൻ മുഖ്യമന്ത്രിയുടെ ദുരിതാശ്വാസ നിധിയിലേക്ക് 25 ലക്ഷം രൂപ സംഭാവന നൽകുന്നു. ജനങ്ങളുടെ സുരക്ഷയ്‌ക്കും ക്ഷേമത്തിനുമായി ഞാനും പ്രാർത്ഥിക്കുന്നു.”- അല്ലു അർജുൻ കുറിച്ചു.
I am deeply saddened by the recent landslide in Wayanad. Kerala has always given me so much love, and I want to do my bit by donating ₹25 lakh to the Kerala CM Relief Fund to support the rehabilitation work. Praying for your safety and strength . @CMOKerala
— Allu Arjun (@alluarjun) August 4, 2024
മലയാള സിനിമ മേഖലയ്‌ക്ക് പുറമെ തമിഴിൽ നിന്നും തെലുങ്കിൽ നിന്നും നിരവധി നടൻമാരും നടിമാരുമാണ് വയനാടിന് കൈത്താങ്ങുമായി രംഗത്തെത്തിയത്. സൂര്യ, ജ്യോതിക, കാർത്തി എന്നിവർ ചേർന്ന് 50 ലക്ഷം രൂപയും നടൻ വിക്രം 20 ലക്ഷവും മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകിയിരുന്നു. നടി രശ്മിക മന്ദാന 10 ലക്ഷം രൂപയും ദുരിതബാധിതർക്ക് സംഭാവന നൽകി.
