ടെലികോം മേഖലയിൽ പ്രതാപം വീണ്ടടെുക്കാനൊരുങ്ങുകയാണ് ബിഎസ്എൻഎൽ. ടെലികോം കമ്പനികൾ ഇടിവെട്ടേറ്റത് പോലെ നിരക്ക് കൂട്ടിയതോടെ ഉപയോക്താക്കൾ ബിഎസ്എൻഎല്ലാണ് തിരിഞ്ഞെടുക്കുന്നത്. രാജ്യമെമ്പാടും ഈ ട്രെൻഡ് പ്രകടമാണ്. ഇതിനിടയിൽ നിരവധി പേരാണ് സിം പോർട്ടിംഗ് നടത്തുന്നത്.
ജിയോ, എയർടെൽ, വിഐ തുടങ്ങി ഏത് കണക്ഷനിൽ നിന്നും ബിഎസ്എൻഎല്ലിലേക്ക് മാറാവുന്നതാണ്.
സിം കണക്ഷൻ ബിഎസ്എൻഎല്ലിലേക്ക് പോർട്ട് ചെയ്യുന്നതിനായി ഇക്കാര്യങ്ങൾ ശ്രദ്ധിക്കാം..
1. യൂണിക്ക് പോർട്ടിംഗ് കോഡ്
മെസേജ് ആപ്പിൽ നിന്ന് PORT (പത്തക്ക മൊബൈൽ നമ്പർ) എന്ന് ടൈപ്പ് ചെയ്ത് 1900 എന്ന നമ്പറിലേക്ക് അയക്കുക. ഉടൻ തന്നെ യൂണിക്ക് പോർട്ടിംഗ് കോഡ് (UPC) സന്ദേശം ലഭിക്കും. 15 ദിവസത്തെ കാലവധിയാണ് ഇതിനുള്ളത്. ജമ്മു കശ്മീരിലെ വരിക്കാർ മെസേജിന് പകരം 1900 എന്ന നമ്പറിൽ വിളിക്കണം.
2. ബിഎസ്എൻഎൽ കസ്റ്റമർ സർവീസ് സെൻ്റർ സന്ദർശിക്കുക
കോഡ് ലഭിക്കുന്ന മുറയ്ക്ക് അടുത്തുള്ള ബിഎസ്എൻഎൽ കസ്റ്റമർ സർവീസ് സെൻ്ററിലോ അംഗീകൃത ഫ്രാഞ്ചൈസിയിലോ റീട്ടെയിലർ സ്റ്റോറിലോ എത്തി അപേക്ഷ ഫോം പൂരിപ്പിച്ച് നൽകുക. ഫോട്ടോയും മേൽവിലാസം തെളിയിക്കുന്ന രേഖയും സമർപ്പിക്കേണ്ടതാണ്.
3. പോർട്ടിംഗ് പ്രക്രിയ
മേൽ പറഞ്ഞ രേഖകൾ സമർപ്പിക്കുന്നതോടെ പുതിയ ബിഎസ്എൻഎൽ സിം ലഭിക്കും. പഴയ സിം ഡിആക്ടിവേറ്റായെന്നും പുതിയ ബിഎസ്എൻഎൽ സിം ആക്ടിവേറ്റായെന്നും അറിയിച്ച് ഫോണിൽ സന്ദേശമെത്തും. ഇതോടെ ബിഎസ്എൻഎല്ലിന്റെ സേവനങ്ങൾ വേണ്ടുവോളം ആസ്വദിക്കാം.
