ഭോപ്പാൽ: മധ്യപ്രദേശിലെ ഗുണ ജില്ലയിൽ പരിശീലക വിമാനം തകർന്നുവീണ് 2 പൈലറ്റുമാർക്ക് പരിക്ക്. സ്വകാര്യ ഏവിയേഷൻ അക്കാദമിയുടെ പരിശീലക വിമാനമാണ് തകർന്നുവീണതെന്ന് പൊലീസ് അറിയിച്ചു.
രണ്ട സീറ്റുകളുള്ള സെസ്ന 152 എന്ന വിമാനം തകർന്നാണ് പൈലറ്റുമാർക്ക് പരിക്ക് പറ്റിയത്. വിമാനം 40 മിനിറ്റോളം ആകാശത്തു പറന്നു. ഉച്ചക്ക് 1.30 ഓടെയാണ് തകർന്ന് താഴേക്ക് പതിച്ചത്. എഞ്ചിൻ തകരാറാകാം കാരണമെന്നാണ് ഗുണ പൊലീസ് പറയുന്നത്.
രണ്ട് പൈലറ്റുമാരാണ് വിമാനത്തിലുണ്ടായിരുന്നത്. പരിക്കേറ്റ ഇവർ അപകടനില തരണം ചെയ്തതായും അടുത്തുള്ള ആശുപത്രിയിൽ ചികിത്സയിൽ കഴിയുകയാണെന്നും ഗുണ കാന്ത് പോലീസ് സ്റ്റേഷൻ ഇൻ-ചാർജ് ദിലീപ് രജോറിയ പറഞ്ഞു. പരിശോധനകൾക്കും അറ്റകുറ്റപ്പണികൾക്കുമായി ദിവസങ്ങൾക്കുമുൻപാണ് വിമാനം ഗുണയിലെത്തിച്ചത്.
