ന്യൂഡൽഹി: രക്ഷാബന്ധൻ ദിനത്തിൽ ജനങ്ങൾക്ക് ആശംസകൾ നേർന്ന് പ്രധാനമന്ത്രി നരേന്ദ്രമോദിയും ദേശീയ നേതാക്കളും. ഈ വിശേഷ ദിനം എല്ലാവരുടെയും ബന്ധങ്ങളിൽ പുതിയ മാധുര്യവും ജീവിതത്തിൽ സന്തോഷവും സമൃദ്ധിയും ഭാഗ്യവും കൊണ്ടുവരട്ടെയെന്ന് പ്രധാനമന്ത്രി ആശംസിച്ചു.
സഹോദരീ സഹോദരന്മാർ തമ്മിലുള്ള അഗാധമായ സ്നേഹത്തിന്റെ പ്രതീകമാണ് രക്ഷാബന്ധൻ ഉത്സവമെന്ന് പ്രധാനമന്ത്രി പറഞ്ഞു. കേന്ദ്ര ആഭ്യന്തര മന്ത്രി അമിത് ഷായും രക്ഷാബന്ധൻ ആശംസകൾ അറിയിച്ചു.
സഹോദരീ സഹോദരന്മാർ തമ്മിലുള്ള സ്നേഹത്തിന്റെയും വാത്സല്യത്തിന്റെയും പ്രതീകമായ രക്ഷാബന്ധൻ ഉത്സവത്തിൽ സന്തോഷത്തിനും സമൃദ്ധിക്കും വേണ്ടി പ്രാർത്ഥിക്കുന്നുവെന്ന് അമിത് ഷാ എക്സിൽ കുറിച്ചു. രക്ഷാബന്ധൻ എല്ലാവരുടെയും ജീവിതത്തിൽ സന്തോഷവും ഭാഗ്യവും നിറയ്ക്കട്ടെയെന്ന് കേന്ദ്ര ആരോഗ്യമന്ത്രിയും ബിജെപി അധ്യക്ഷനുമായ ജെപി നദ്ദയും ആശംസിച്ചു.
നമ്മുടെ പവിത്രമായ സംസ്കാരത്തിന്റെ ഉത്സവം എല്ലാവരുടെയും ജീവിതത്തിൽ സന്തോഷവും നന്മയും നിറയ്ക്കട്ടെയെന്ന് പ്രാർത്ഥിക്കുന്നതായും അദ്ദേഹം പറഞ്ഞു.
