മലയാള സിനിമ ലോകം വേണ്ടവിധം പ്രയോജനപ്പെടുത്ത നടിയാണ് കലാരഞ്ജിനി. ബാലതാരമായി എത്തിയ കലാരഞ്ജിനി നായികയായി ഏതാനും സിനിമയിൽ അഭിനയിച്ചെങ്കിലും പിന്നിട് വളരെ അപൂർവ്വമായി മാത്രമേ മുഴുനീള കഥാപാത്രങ്ങളിൽ എത്തിയുള്ളൂ. എന്നാൽ സഹോദരിമാരായ കൽപനയും ഉർവശിയും സിനിമലോകത്ത് സജീവമായിരുന്നു.
വളരെ പതിഞ്ഞ ശബ്ദമായതിനാൽ കലാരഞ്ജിനി വളരെ കുറച്ച് സിനിമകളിൽ മാത്രമെ സ്വന്തം ശബ്ദം ഉപയോഗിച്ചിട്ടുള്ളു. ഹൗ ഓൾഡ് ആർ യു’ ആണ് കലാരഞ്ജിനിയുടെ ശബ്ദത്തിൽ പുറത്ത വന്ന അവസാന സിനിമ. ഇപ്പോഴിതാ തന്റെ ശബ്ദത്തിനെന്താണ് പറ്റിയതെന്ന് ഒരു ഓൺലെെൻ മാദ്ധ്യമത്തോട് തുറന്ന് പറഞ്ഞിരിക്കുകയാണ് നടി. സിനിമാ ചിത്രീകരണത്തിനിടെ ഉണ്ടായ അബദ്ധമാണ് തന്റെ ശബ്ദത്തിന് പ്രശ്നുണ്ടാക്കിയതെന്ന് കലാരഞ്ജിനി പറഞ്ഞു.
കുറെ വർഷങ്ങൾക്ക് മുമ്പ് സിനിമ സെറ്റിൽ നടന്ന കൈയ്യബദ്ധമാണ് തന്റെ ശബ്ദം പോകാൻ കാരണം. നസീർ സാറിന്റെ ജോഡി ആയിട്ട് അഭിനയിക്കുന്ന സിനിമയാണ്. ബ്ലഡ് വൊമിറ്റ് ചെയ്യുന്ന ഒരു സീനാണ് എടുക്കേണ്ടത്. വെള്ളിച്ചെണ്ണ ചുവപ്പ് നിറമുള്ള പൗഡറിൽ മിക്സ് ചെയ്തതാണ് രക്തം ഉണ്ടാക്കുന്നത്. സാധാരണ മേക്കപ്പ് മാൻ ആണ് ഇതോക്കെ ചെയ്യുന്നത്. എന്നാൽ ആ സിനിമയിലെ മേക്കപ്പ്മാൻ വെളിച്ചെണ്ണയ്‌ക്ക് പകരം അസ്റ്റോൺ
( മേക്കപ്പ് റിമൂവറായി ഉപയോഗിക്കുന്ന (ആസിഡ് അടങ്ങിയ ഒരു വസ്തു) ആണ് മിക്സ് ചെയ്തത്. വെള്ള സാരിയാണ് ആ സിനിലെ എന്റെ വേഷം. അതുകൊണ്ട് സമയം ആകുമ്പോൾ നസീർ സാർ ദ്രാവകം ഒഴിച്ച് തരമാമെന്ന് പറഞ്ഞു. അത് സാർ വായിലേക്ക് ഒഴിച്ചതും ഒരു പുകച്ചിൽ പോലെ തോന്നി. പിന്നാലെ ശ്വാസനാളം ഡ്രെെയായി. അങ്ങനെയാണ് ശബ്ദം പോകുന്നത്. അസിസ്റ്റന്റ് മനഃപൂര്‍വ്വം ചെയ്തതാണെന്ന് ഞാനിന്നും വിശ്വസിക്കുന്നില്ല. പിന്നീട് കുറെ ട്രീറ്റ്മെന്റ് എടുത്തെങ്കിലും പഴയത് പോലെയായില്ല, നടി പറയുന്നു.
