കുറഞ്ഞ വിലയ്‌ക്ക് നിറയെ ഡാറ്റ വേണോ? ജിയോ ഇവിടെയുണ്ടേ; കിടിലൻ പ്ലാനുകൾ അറിയാം.. 

ടെലികോം കമ്പനികളിലെ വമ്പനാണ് ജിയോ. ഹൈ സ്പീഡ് ഇന്റർനെറ്റും കൈനിറയെ ഓഫറുകളും നൽകുന്ന ജിയോ പുതുതായൊരു പ്രീ പെയ്ഡ് പ്ലാൻ അവതരിപ്പിച്ചിരിക്കുകയാണ്.

198 രൂപയുടെ പ്ലാൻ

198 രൂപയാണ് പുതിയ പ്ലാനിന്റെ നിരക്ക്. 14 ദിവസത്തെ കാലാവധിയിൽ പ്രതി​​ദിനം 2 ജിബി ഡാറ്റ വീതം ലഭിക്കും. അൺ ലിമിറ്റഡ് കോളും പ്രതിദിനം 100 എസ്എംഎസും പ്ലാൻ നൽകുന്നു. ജിയോ സിനിമ, ജിയോ ടിവി, ജിയോ ക്ലൗഡ് എന്നീ സേവനങ്ങളും ഈ പ്ലാനിൽ ലഭിക്കും.

199 രൂപയുടെ പ്ലാൻ

നേരത്തെ 199 രൂപയുടെ പ്ലാനും ജിയോ അവതരിപ്പിച്ചിരുന്നു. പ്രതിദിനം 1.5 ജിബി ഡാറ്റ, 100 എസ്എംഎസ്, അൺലിമിറ്റഡ് കോൾ എന്നിവയാണ് പ്ലാൻ വഴി ലഭിക്കുന്നത്. 18 ദിവസത്തെ കാലാവധിയാണ് 199 രൂപയുടെ പ്ലാനിനുള്ളത്. ജിയോ സിനിമ, ജിയോ ടിവി, ജിയോ ക്ലൗഡ് എന്നീ സേവനങ്ങൾ ഈ പ്ലാനിലും ലഭിക്കും.

189 രൂപയുടെ പ്ലാൻ 

189 രൂപയുടെ പ്ലാനും വരിക്കാർക്ക് നിരവധി സേവനങ്ങൾ‌ നൽകുന്നു. 28 ദിവസത്തേക്ക് 2ജിബി ഡാറ്റ, 300 എസ്എംഎസ്, അൺലിമിറ്റഡ് കോൾ എന്നിവയാണ് പ്ലാനിൽ ലഭിക്കുന്നത്. ജിയോ ആപ്പുകളുടെ സേവനവും ലഭ്യമാകും. 5ജി സേവനം ഈ പ്ലാനിലുണ്ട്.