കേരളത്തിൽ ഉൾപ്പടെ രാജ്യമൊട്ടാകെ 4ജി ഇൻ്റർനെറ്റ് എത്തിക്കാനുള്ള ശ്രമങ്ങളിലാണ് ബിഎസ്എൻഎൽ. പലയിടങ്ങളിലും 4ജി എത്തി കഴിഞ്ഞു. നിങ്ങളുടെ പ്രദേശത്തും 4ജി എത്തിയോ എന്നറിയാൻ വഴിയുണ്ട്.
പഴയ സിം കാർഡ് ഉപയോഗിക്കുന്നവർക്ക് 4ജി കണക്ടിവിറ്റി ആസ്വദിക്കാനാവില്ല. അതിനാൽ സിം കാർഡുകൾ 4ജിയിലേക്ക് മാറ്റണം. ഇതിന് മുൻപായി 4ജി കണക്ടിവിറ്റിക്ക് സിം അനുയോജ്യമാണോയെന്ന് പരിശോധിക്കണം. ഇതിനായി 9497979797 എന്ന നമ്പറിലേക്ക് മിസ്ഡ് കോൾ ചെയ്യുക. ഉടനെ സിം കാർഡ് 4ജി സേവനം പിന്തുണയ്ക്കുന്നുണ്ടോ എന്ന് എസ്എംഎസ് വഴി സന്ദേശം ലഭിക്കും. 4ജി പിന്തുണയ്ക്കാത്ത സിം കാർഡ് ആണെങ്കിൽ അത് എളുപ്പം തന്നെ അപ്ഗ്രേഡ് ചെയ്യാം. ഇതിനായി ബിഎസ്എൻഎലിന്റെ കസ്റ്റമർ സർവീസ് സെന്ററുമായോ റീട്ടെയിൽ കേന്ദ്രങ്ങളുമായോ ബന്ധപ്പെടുക.
ഒരു ലക്ഷം 4ജി ടവറുകൾ ഇന്ത്യയിലൂടനീളം സ്ഥാപിക്കാനാണ് ബിഎസ്എൻഎലിന്റെ പദ്ധതി. ടാറ്റ ഗ്രൂപ്പും തേജസ് നെറ്റ് വർക്കും സിഡോട്ടും ചേർന്നുള്ള കൺസോർഷ്യമാണ് 4ജി സാങ്കേതിക വിദ്യ വിന്യസിക്കുന്നത്.
