റസ്ക് വിപണിയിലെ മേധാവിത്വം ഊട്ടിയുറപ്പിക്കുകയാണ് ബ്രിട്ടാനിയ. വിപണിയിൽ കൂടുതൽ ഇറങ്ങിച്ചെല്ലുന്നതിന്റെ ഭാഗമായി പ്രീമിയം റസ്ക് ‘ടോസ്റ്റി’യുടെ പുതിയ ക്യാംപെയ്ൻ കമ്പനി ആരംഭിച്ചു. ഏലക്ക, കേക്ക്, പാൽ, വെണ്ണ, മൾട്ടി ഗ്രെയിൻ എന്നീ രുചികളിൽ ബ്രിട്ടാനിയ ടോസ്റ്റി ലഭ്യമാണ്. തൃഷ കൃഷ്ണനെയും നീന ഗുപ്തയെയും അമ്മായിയമ്മയും മരുമകളുമായി അവതരിപ്പിക്കുന്ന പുതിയ ക്യാംപെയ്ൻ ആണ് ആരംഭിച്ചത്.
പ്രിയപ്പെട്ടവരുമായി ഒരു ദിവസം ആരംഭിക്കുന്നതിന്റെ സന്തോഷവും ബ്രിട്ടാനിയ ടോസ്റ്റി റസ്ക്കുകൾ ആ വിലയേറിയ പ്രഭാതങ്ങളെ എങ്ങനെ മികച്ചതാക്കുന്നുവെന്നുമാണ് ചിത്രീകരിച്ചിരിക്കുന്നത്. പാലിന്റെയും ആട്ടയുടെയും ഗുണം എടുത്തുകാണിച്ച് ക്രിസ്പി മിൽക്ക് ആട്ട റസ്ക് ആസ്വദിച്ചുകൊണ്ടുള്ള ഇരുവരുടെയും പ്രഭാതമാണ് ക്യാംപെയ്നിന്റെ ഇതിവൃത്തം.
മിൽക്ക് ആട്ട റസ്കും മറ്റ് റസ്കുകളും ഉപഭോക്താക്കളുടെ ദൈനംദിന നിമിഷങ്ങളെ കൂടുതൽ ആസ്വാദ്യകരമാക്കാനുള്ള കമ്പനിയുടെ പ്രതിബദ്ധതയാണ് പ്രതിഫലിപ്പിക്കുന്നതെന്ന് ബ്രിട്ടാനിയ ബ്രെഡ്, കേക്ക് ആൻഡ് റസ്ക് വിഭാഗം ചീഫ് ബിസിനസ് ഓഫീസർ യുധിഷ്ടർ ശ്രിംഗി പറഞ്ഞു. ഉപഭോക്താക്കളുടെ വിശ്വാസം കാത്തുസൂക്ഷിച്ച് ഓരോ ബൈറ്റിലും മികച്ച അനുഭവം നൽകാനാണ് ബ്രിട്ടാനിയ ലക്ഷ്യമിടുന്നതെന്നും അദ്ദേഹം കൂട്ടിച്ചേർത്തു.
ഏലക്കയുടെ സ്വാദ് നൽകുന്ന റസ്കും മൾട്ടിഗ്രെയിൻ റസ്കുമൊക്കെ ഈ വിഭാഗത്തിൽ ബ്രിട്ടാനിയയുടെ വൈവിധ്യമാർന്ന പ്രൊഡക്ടുകളാണ്. ഓട്സ്, ആട്ട, റാഗി, എള്ള് എന്നിവയുടെ മിശ്രിതം ഉപയോഗിച്ചാണ് മൾട്ടിഗ്രെയിൻ റസ്ക് ഉണ്ടാക്കുന്നത്. കൂടുതൽ ഫ്ലേവറും കൂടുതൽ ആരോഗ്യകരമായ റസ്കും ഇഷ്ടപ്പെടുന്നവർക്ക്, പാലും ഗോതമ്പും കലർന്ന മിൽക്ക് ആട്ട റസ്ക് തെരഞ്ഞെടുക്കാം. വെണ്ണയുടെ മണവും സ്വാദും ഉള്ള ബട്ടർ റസ്കും കേക്കിന്റെ മൃദുത്വവും റസ്കിന്റെ ചടുലതയും നൽകുന്ന കേക്ക് റസ്കുമൊക്കെ ബ്രിട്ടാനിയയുടെ റസ്ക് വെറൈറ്റികളാണ്.
