എറണാകുളം: ഓടിക്കൊണ്ടിരുന്ന സ്വകാര്യ ബസിൽ വച്ച് കണ്ടക്ടറെ കുത്തിക്കൊലപ്പെടുത്തി. അസ്ത്ര ബസിലെ കണ്ടക്ടറായ അനീഷ് പീറ്റർ (34) ആണ് കൊല്ലപ്പെട്ടത്. കളമശേരിയിൽ ഇന്ന് ഉച്ചയ്ക്കായിരുന്നു സംഭവം.
മാസ്ക് ധരിച്ചെത്തിയ അക്രമി ബസിനുള്ളിൽ കയറി കണ്ടക്ടറെ കത്തി ഉപയോഗിച്ച് കുത്തുകയായിരുന്നു. ‘എന്റെ സഹോദരിയെ നീ ഇനി കളിയാക്കുമോ?’ എന്നും അക്രമി ആക്രോശിച്ചിരുന്നതായി ദൃക്സാക്ഷികൾ പറഞ്ഞു. യാത്രക്കാർക്കിടയിൽ പരിഭ്രാന്തി പരത്തിയ ശേഷം ഇയാൾ ഓടി രക്ഷപ്പെടുകയായിരുന്നു.
വ്യക്തി വൈരാഗ്യമാണ് കൊലപാതകത്തിന് പിന്നിലെന്നാണ് പൊലീസിന്റെ പ്രാഥമിഗ നിഗമനം. നെഞ്ചിൽ ഗുരുതരമായി പരിക്കേറ്റ കണ്ടക്ടറെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ അന്വേഷണം ആരംഭിച്ചു. മൃതദേഹം കളമശേരി മെഡിക്കൽ കേളേജിലേക്ക് മാറ്റി. കൊല നടത്തിയ ശേഷം പ്രതി ഓടി രക്ഷപ്പെടുന്നത് സമീപത്തെ സിസിടിവി ക്യാമറയിൽ പതിഞ്ഞിട്ടുണ്ട്.
