ഗായിക ദുർഗ വിശ്വനാഥ് പുനർവിവാഹിതയായി. കണ്ണൂർ സ്വദേശിയും ഗുരുവായൂർ ദേവസ്വം ജീവനക്കാരനുമായ റിജുവാണ് വരൻ. ഗുരുവായൂർ ക്ഷേത്രത്തിൽ വ്യാഴാഴ്ച പുലർച്ചെയായിരുന്നു വിവാഹം.
ദിവസങ്ങൾക്ക് മുമ്പ് ദുർഗ പങ്കുവച്ച സേവ് ദ ഡേറ്റും മൈലാഞ്ചി ചാർത്തിയ കൈകളുടെ ചിത്രവും സോഷ്യൽ മീഡഡിയയിൽ വൈറലായിരുന്നു. പച്ച കാഞ്ചീവരം സാരിയായിരുന്നു ദുർഗ വിവാഹത്തിനായി തെരഞ്ഞെടുത്തത്. അടുത്ത ബന്ധുക്കളും സുഹൃത്തുക്കളും വിവാഹത്തിൽ പങ്കെടുത്തു.
റിയാലിറ്റി ഷോകളിലൂടെയാണ് ദുർഗ പ്രേക്ഷകരുടെ മനസിൽ ഇടംപിടിച്ചത്. ബിസിനസുകാരനായ ഡെന്നിസാണ് ദുർഗയുടെ ആദ്യ ഭർത്താവ്. ഏതാനും വർഷങ്ങൾക്ക് മുമ്പാണ് ഇരുവരും വേർപിരിഞ്ഞത്. ഈ ബന്ധത്തിൽ താരത്തിന് ഒരു മകളുണ്ട്. പുനർവിവാഹത്തിന്റെ ചിത്രങ്ങൾ വൈറലായതോടെ നിരവധി ആരാധകർ ദുർഗയ്ക്ക് ആശംസയുമായെത്തി.
