ടൊവിനോ തോമസ് നായകനാകുന്ന അജയന്റെ രണ്ടാം മോഷണം(ARM) എന്ന ചിത്രത്തിന്റെ സംവിധായകനാണ് ജിതിൻ ലാൽ. താരം പേരിന് പിന്നിലെ കഥ പറഞ്ഞപ്പോൾ അത് ഇത്രവൈറലാകുമെന്ന് കരുതിയിട്ടുണ്ടാകില്ല. സ്വകാര്യ എഫ്.എമ്മിന് നൽകിയ അഭിമുഖത്തിലാണ് താരം ജിതിൻ എന്ന പേരിനൊപ്പം ലാൽ വന്ന കഥ പറഞ്ഞത്. ടൊവിനോയാണ് ആ കഥയ്‌ക്ക് ഇൻട്രോ പറയുന്നത്. പിന്നീട് നരേഷൻ സംവിധായകൻ തന്നെ നടത്തുകയായിരുന്നു.
“ഇവന്‍റെയൊരു കഥ ഞാന്‍ പറയാം. ഇവന്‍റെ ശരിക്കും പേര് ജിതിന്‍ എന്നാണ്. പിന്നെ അച്ഛന്‍റെ പേര് തങ്കപ്പന്‍ . അപ്പോള്‍ ഈ ലാല്‍ എവിടെനിന്ന് വന്നു ! ചെറുപ്പക്കാലത്ത് കുട്ടിയായിരുന്ന സമയത്ത് ഇവന്‍ ഭയങ്കര മോഹന്‍ലാല്‍ ഫാന്‍ ആയിരുന്നു. ഇപ്പോഴും അതേ.പേരിന്റെ കൂടെ ലാലൽ ആഡ് ചെയ്യണമെന്ന് പറഞ്ഞു. എത്രവയസിലാ?—- ടൊവിനോ ഇൻട്രോ പറഞ്ഞു.
പിന്നീട് പേരിനെക്കുറിച്ചുള്ള കഥയുടെ സംവിധായകന്റെ നരേഷൻ ഇങ്ങനെ- “അഞ്ചാമത്തെ വയസില്‍ സ്കൂളില്‍ ചേര്‍ക്കുമ്പോഴാണല്ലോ പേര് എഴുതുന്നത്. സ്കൂളില്‍ പോയപ്പോള്‍ പേര് എന്താണെന്ന് ഒരു സിസ്റ്റര്‍ ചോദിച്ചപ്പോള്‍ ഞാന്‍ മോഹന്‍ലാല്‍ എന്ന് പറഞ്ഞു. അത് ഇടാന്‍ പറ്റില്ല അച്ഛന്‍റെയും അമ്മയുടെയും പേരുമായി ഒരു മാച്ചില്ലെന്ന് സിസ്റ്റർ പറഞ്ഞു.
#ARM Director Jithin lal
ജിതിൻ ലാൽ എന്ന പേരിനു ഇങ്ങനെ ഒരു സ്റ്റോറി ഉണ്ടെന്ന് ഇപ്പഴാണ് അറിയുന്നത്..
ഇജ്ജാതി ലാലേട്ടൻ Fan Boy ❤️#Mohanlal @Mohanlal pic.twitter.com/ymZUUdbeE5
— ☞ 𝐀𝐤𝐬𝐡𝐚𝐲 𝐧𝐚𝐢𝐫 ☜ (@YourssAkshay) September 6, 2024
അന്ന് എന്റെ പേര് ജിതിന്‍ നായര്‍ ടി.കെ എന്നായിരുന്നു. ചേച്ചിയുടേത് ഗീതു നായർ ടി.കെ എന്നും. അന്നേ ഞാന്‍ വാല്‍ മുറിച്ചു. അങ്ങനെയാണ് ജിതിന്‍ ലാല്‍ എന്നാക്കിയത്”, എആര്‍എം സംവിധായകൻ പറഞ്ഞു.ടൊവിനോ തോമസ് മൂന്ന് കഥാപാത്രങ്ങളായി എത്തുന്ന ത്രിD ചിത്രം 12നാണ് റിലീസ് ചെയ്യുന്നത്. ജിതിൻ ലാലിന്റെ സംവിധാന അരങ്ങേറ്റമാണ് ചിത്രം. അഞ്ച് ഭാഷകളിലാണ് ചിത്രം പുറത്തിറങ്ങുന്നത്.
