ബെംഗളൂരു: ഓണക്കാലത്തെ അധിക തിരക്ക് നേരിടാൻ ഹൂബ്ലി-കൊച്ചുവേളി സ്റ്റേഷനുകളെ ബന്ധിപ്പിച്ച് ഒറ്റത്തവണ പ്രത്യേക ട്രെയിൻ സർവീസ് നടത്താൻ സൗത്ത് വെസ്റ്റേൺ റെയിൽവേ തീരുമാനിച്ചു.
ട്രെയിൻ നമ്പർ (07333) സെപ്റ്റംബർ 13-ന് രാവിലെ 06:55-ന് എസ്എസ്എസ് ഹൂബ്ലിയിൽ നിന്ന് പുറപ്പെട്ട് അടുത്ത ദിവസം രാവിലെ 06:45-ന് കൊച്ചുവേളിയിലെത്തും.
ട്രെയിൻ നമ്പർ (07334) സെപ്റ്റംബർ 14-ന് കൊച്ചുവേളിയിൽ നിന്ന് ഉച്ചയ്‌ക്ക് 12:50-ന് പുറപ്പെട്ട് അടുത്ത ദിവസം ഉച്ചയ്‌ക്ക് 12:50-ന് എസ്എസ്എസ് ഹൂബ്ലി സ്റ്റേഷനിൽ എത്തിച്ചേരും.
ഈ ട്രെയിൻ രണ്ട് ദിശകളിലേക്കുമുള്ള സർവീസിൽ എസ്എംഎം ഹാവേരി, റാണിബെന്നൂർ, ഹരിഹർ, ദാവൻഗരെ, ബീരൂർ, അരസീക്കരെ, തുംകൂർ, ചിക്കബാനവര, എസ്എംവിടി ബാംഗ്ലൂർ, കൃഷ്ണരാജപുരം, ബംഗാരപേട്ട്, സേലം, ഈറോഡ്, തിരുപ്പൂർ, കോയമ്പത്തൂർ, പാലക്കാട്, തൃശൂർ, ആലുവ, എറണാകുളം ടൗൺ, കോട്ടയം, തിരുവല്ല, കോട്ടയം,ചെങ്ങന്നൂർ, കായംകുളം, കൊല്ലം എന്നീ സ്റ്റേഷനുകളിൽ നിർത്തും.
രണ്ട് എസി-2 ടയർ, നാല് എസി-3 ടയർ, പത്ത് സ്ലീപ്പർ ക്ലാസ്, രണ്ട് ജനറൽ സെക്കൻഡ് ക്ലാസ്, രണ്ട് എസ്എൽആർ കോച്ചുകൾ എന്നിങ്ങനെ ആകെ 20 കോച്ചുകളാണ് ഈ പ്രത്യേക ട്രെയിനിലുള്ളത്.
