സർപ്പത്തിന്റെ വയറ്റിലൂടെ തീർത്ഥാടകർക്ക് സഞ്ചരിക്കാം; കാളിയമർദ്ദനത്തിന്റെ ഹൃദയം കവരും കാഴ്ച; അധികമാർക്കുമറിയാത്ത ക്ഷേത്രം..

ഹൈദരാബാദ്: കാളിയൻ എന്ന വിഷസർപ്പത്തെ കീഴടക്കിയ ഭ​ഗവാൻ കൃഷ്ണന്റെ കഥ ഏവർക്കും സുപരിചതമാണ്. ഈ കഥാപശ്ചാത്തലം ശിലയിൽ ഒരുക്കിയിരിക്കുന്ന ഒരു ക്ഷേത്രമുണ്ട് തെലങ്കാനയിൽ. നാ​ഗദേവത എന്നറിയിപ്പെടുന്ന ഇവിടം ലക്ഷ്മി നരസിംഹ ക്ഷേത്രത്തിലേക്കുള്ള വഴിയിലാണുള്ളത്.

നമ്പള്ളിയിൽ നിന്ന് ഏതാനും കിലോമീറ്ററുകൾ സഞ്ചരിച്ചാൽ അതിമനോഹരമായ കാഴ്ചവിരുന്ന് സമ്മാനിക്കുന്ന നാ​ഗദേവതയ്‌ക്ക് അരികിലെത്താം. കാളിയൻ എന്ന സർപ്പത്തിന്റെ ഭീമൻ ശിലയാണ് ഇവിടെ ഒരുക്കിയിരിക്കുന്നത്. ശിൽപത്തിന്റെ ശിരസ്സിൽ നൃത്തമാടുന്ന കൃഷ്ണനെയും ഭക്തർക്ക് കാണാം. സർപ്പത്തിന്റെ ശരീരത്തിനുള്ളിലൂടെ തീർത്ഥാടകർക്ക് സഞ്ചരിക്കാനാകും വിധമാണ് (ടണൽ) ഇതിന്റെ നിർമിതി. നരസിം​ഹ സ്വാമി ക്ഷേത്രം സ്ഥിതിചെയ്യുന്നത് ചെറിയൊരു കുന്നിൻപുറത്താണ്. ഇവിടെ നിന്ന് താഴേക്ക് നോക്കിയാൽ കാളിയൻ സർപ്പത്തിന്റെ അതിമനോഹരമായ കാഴ്ച കാണാൻ സാധിക്കും.

Nampally Village, Vemulawada, Karimnagar Dist,Andhra Pradesh,India

It is a little place of worship devoted to Lord Lakshmi Narasimha, an incarnation of Lord Vishnu. The temple is settled on a little hillock on the Vemulawada – Karimnagar thruway.#LakshmiNarasimha 🚩🌺🙏

1/1 pic.twitter.com/JD90yhwKdc

— ʏᴀᴍᴀʜᴀ प्रभु ѴЯ | 46 (@YamahaPrabhuVR) April 29, 2021

നമ്പള്ളി ബസ് സ്റ്റോപ്പിൽ നിന്ന് 2 കിലോമീറ്റർ സഞ്ചരിച്ചാൽ ഇവിടെയെത്താം. വെമുലവാഡ ബസ് സ്റ്റാൻഡിൽ നിന്നാണെങ്കിൽ 4.5 കിലോ മീറ്ററും, വെമുലവാഡ ക്ഷേത്രത്തിൽ നിന്ന് 3 കിലോമീറ്ററും കരിംന​ഗറിൽ നിന്ന് 32 കിലോമീറ്ററും അകലെയാണിത്. കൃത്യമായി പറഞ്ഞാൽ നമ്പള്ളി ​ഗുട്ടയിലാണ് ലക്ഷ്മി നരസിം​ഹ സ്വാമി ക്ഷേത്രം സ്ഥിതിചെയ്യുന്നത്. ഇവിടെ നാ​ഗദേവത ക്ഷേത്രം കൂടാതെ പ്രഹ്ളാദന്റെയും ഹിരണ്യകശിപുവിന്റെയും കഥ വിവരിക്കുന്ന ശിൽപങ്ങളുമുണ്ട്. കൂടാതെ തൂൺ തകർത്ത് വരുന്ന നരസിം​ഹമൂർത്തിയുടെ ശിൽപവും ഇവിടെയുണ്ട്. രാവിലെ ഒമ്പത് മണി മുതൽ വൈകിട്ട് അഞ്ചര വരെയാണ് ഇവിടേക്ക് പ്രവേശനം. ഹൈദരാബാദിൽ നിന്ന് 150 കിലോമീറ്റർ അകലെയാണ് ക്ഷേത്രം സ്ഥിതിചെയ്യുന്നത്.