ഇറാനി ട്രോഫിക്കുള്ള റെസ്റ്റ് ഒഫ് ഇന്ത്യ സ്ക്വാഡ് പ്രഖ്യാപിച്ചു. 15 പേരടങ്ങുന്ന ടീമിനെ ഋതുരാജ് ഗെയ്ക്വാദാണ് നയിക്കുന്നത്. ലക്നൗവിലെ ഏകന സ്റ്റേഡിയത്തിൽ ഒക്ടോബർ ഒന്നുമുതൽ അഞ്ചുവരെയാണ് മത്സരം. ഇന്ത്യയുടെ ടി20 നായകൻ സൂര്യകുമാർ യാദവും ഇറാനി ട്രോഫിയിൽ ഇല്ല.
ദുലീപ് ട്രോഫിയിൽ മികച്ച പ്രകടനം കാഴ്ചവച്ചിട്ടും സഞ്ജുവിനെ തഴഞ്ഞത് വിവാദമായി. ഇഷാൻ കിഷനാണ് പ്രധാന വിക്കറ്റ് കീപ്പർ.യഷ് ദയാലും ധ്രുവ് ജുറെലും ടീമിൽ ഇടം നേടി. എന്നാൽ സഞ്ജുവിനെ ഒഴിവാക്കിയത്. ബംഗ്ലാദേശിനെതിരായ ടി20 പരമ്പരക്കുള്ള ഇന്ത്യൻ ടീമിൽ ഉൾപ്പെടുത്താനാണെന്ന വാദവും ഉയർന്നു. അഭിമന്യു ഈശ്വരനാണ് വൈസ് ക്യാപ്റ്റൻ.
ഒക്ടോബര് ആറു മുതല് തുടങ്ങുന്ന ബംഗ്ലാദേശിനെതിരായ ടി20 പരമ്പരയില് ഋഷഭ് പന്തിന് വിശ്രമം നൽകിയാൽ ഒന്നാം വിക്കറ്റ് കീപ്പറായി സഞ്ജുവിനെ ഉള്പ്പെടുത്തിയേക്കും. അതേസമയം പന്ത് ടി20 കളിച്ചാൽ മലയാളി താരത്തെ ബാറ്ററായി പരിഗണിക്കുമെന്നും റിപ്പോർട്ടുകൾ പറയുന്നു.
റെസ്റ്റ് ഓഫ് ഇന്ത്യ സ്ക്വാഡ്: റുതുരാജ് ഗെയ്ക്വാദ് (C), അഭിമന്യു ഈശ്വരൻ (VC), സായ് സുദർശൻ, ദേവദത്ത് പടിക്കൽ, ധ്രുവ് ജുറെൽ (WK), ഇഷാൻ കിഷൻ (WK), മാനവ് സുതാർ, സരൻഷ് ജെയിൻ, പ്രസീദ്ധ് കൃഷ്ണ, മുകേഷ് കുമാർ, യാഷ് ദയാൽ, റിക്കി ഭുയി, ശാശ്വത് റാവത്ത്, ഖലീൽ അഹമ്മദ്, രാഹുൽ ചാഹർ
